كەچا 16 سالی لینا پشتی ژ«جوانێن شۆرەشگهر» هاتییه رزگاركرن، داوی ل ژیانا خوە ئانی
کەچەکە 16 سالی یا خەلکێ کۆبانێ، پشتی دو ھەفتەیان ژ رەڤاندنا وێ ژ ئالیێ باسکێ چەکداری یێ پهیهدێ ڤە، داوی ل ژیانا خوە ئانی.
چاڤكانیێن داركا مازی یێن ل رۆژئاڤا كوردستانێ ئاشكهره كرن كو ل 12ی تیرمەھا ئیسال 2026ێ، کەچەکە قوتابیا پۆلا 10ێ یا بنەرەتی ب ناڤێ “لینا عەزیز شوکری”، کو خەلکا گوندێ تەرمکێ سەر ب کۆبانێ ڤەیە، ژ ئالیێ چهتهیێن پهكهكێ و پهیهدێ «جوانێن شۆرەشگێر» ھاتبوو رەڤاندن.
دهستنیشان كر، پشتی ھەولدانێن بەردەوام یێن کەسوکارێن وێ و ب دەستێوەردانا جێگرێ قایمەقامێ کۆبانێ “ئەنوەر موسلم” و کەسایەتیێن دەڤەرێ، ئەڤ کەچ ل داوییا مەھا تیرمەھێ ھات ئازاد کرن و ڤەگەریا ناڤ مالباتا خوە.
لێ تەڤی ڤەگەریانا وێ، ل 28ێ تیرمەھێ، “لینا” ل مالا خوە داوی ل ژیانا خوە ئانی. ل گۆری زانیاریان، سەدەما خوەکوشتنا وێ راستەراست پەیوەندی ب وێ زۆرداری و بوویەرا رەڤاندنێ ڤە ھەبوویە.
ئەڤ بوویەر بوویە سەدەما خەم و فکارێن کوور د ناڤ خەلکێ رۆژئاڤا دە. بەردەوامییا رەڤاندنا کەچ و کورێن جوان ژ ئالیێ چهتهیێن پهكهكێ ڤە، ترس و گرفتارییەکە مەزن ل سەر ئەولەھی و سەلامتییا زارۆکێن وان چێکریە.
