کووەیتێ ئێریشا درۆنی یا ل سەر ئۆفیسا مەسروور بارزانی ب توندی شەرمەزار کر

وەزارەتا دەرڤەیا کووەیتێ ب داخویانیەکا فەرمی، ئێریشا ب درۆنێ یا ل سەر ئاخا ھەرێما کوردستانێ ب توندی شەرمەزار کر و پشتەڤانیا خوە ژ بۆ ئارامیی و سەروەریا ئیراق و ھەرێما کوردستانێ نیشان دا.

د داخویانیا فەرمی یا وەزارەتا دەرڤەیا کووەیتێ دە ھات دیار کرن کو ئەو ھەموو کریارێن تاوانکارانە و دژمنانەیێن کو ئارامبوون و ئیستیقرارا ھەرێمێ ئارمانج دگرن، ب یەکجاری رەد دکن. د داخویانیێ دە ھات دەستنیشانکرن کو ئێریشا ل سەر ئۆفیسا تایبەتا سەرۆکوەزیرێ ھەرێما کوردستانێ مەسروور بارزانی و جھێ نشتەجھبوونا رێڤەبەرێ ئاژانسا پاراستنێ، بنپێکرنەکا راستەراست و قەبوولنەکرییە.

داخویانیا وەزارەتا دەرڤەیا کووەیتێ ڤان خالێن بنگەھین ل خوە دگرە:

کووەیت ل دژی ھەموو وان کریارانە یێن کو زرارێ دگھینن سەروەری، ئاساییش و ئارامیا ئیراقێ و ھەرێما کوردستانێ.

داخویانیێ بانگ ل ھەموو ئالیێن ناڤنەتەوەیی کر کو ل گۆری رەگەز و یاسایێن ناڤنەتەوەیی رێز ل سەروەریا وەلاتان بێ گرتن و پاراستنا ئەولەھیا ئاخا وان ببە بنگەهـ.

وەزارەتا دەرڤەیا کووەیتێ تەکەز کر کو پاراستنا ئیستیقرارا ھەرێما کوردستانێ بەشەکا بنگەھینە ژ ئەولەھیا تەڤاھیا ھەرێمێ.