ئۆجالان: ئەم بەرێ ئالیگرێن سەرخوەبوونێ بوون و نھا ئەم کۆمارپارێزن
عهبدوللا ئۆجالان رێبهرێ پهكهكهیا هلوهشیایی د داوی ههڤدیتنا خوه یا ب ههیئهتا ئیمرالیێ ره گۆت: «ئەم بەرێ ئالیگرێن سەرخوەبوونێ بوون و نھا ئەم کۆمارپارێزن، سبه، ئەمێ ب قاسی مهههپێ (پارتیا تەڤگەرا نەتەوەپەرەست) ستوونەک زەخم یا ڤێ دەولەتێ بن».
ئۆجالان ل دوێ تهباخا 2026ێ گۆت:
«خەتا کۆمارپارێزان شوونا نێرینا سەرخوەبوونێ یا بەرێ دگرە. ئەز سۆز ددم کو کۆمارا ترکیەیێ دێ وەکی دەستپێکێ دەمۆکراتیک بە و کورد دێ د ڤێ یەکێ دە رۆلەک بلیزن. وی ھەر وھا تەکەز کر کو رێیا ترکیەیێ یا بەر ب دەمۆکراتیکبوونێ ڤە ژ ئیمرالیێ دەرباس دبە».
ئۆجالان ههروهها د بهشهكه دن یا ئاخافتنا خوه ده بۆ شاندا ئیمرالیێ ووسا گۆتییه: « سبه، ئەمێ ب قاسی مهههپێ (پارتیا تەڤگەرا نەتەوەپەرەست) ستوونەک زەخم یا ڤێ دەولەتێ بن».
یا راست ئهڤ نه تشتهك نوویه ئۆجالان دبێژه، ئۆجالان ل 28\11\2001 ژی ئهشكهره و ڤهكری گۆتبوو: «ئهز دخوازم خزمهتا كۆمارا تركیهیێ بكم، خزمهتهك فهدایی ب شێوازێ كو مستهفا كهمال ئهتاتورك خوهستی و گۆتی».
پشتره ئۆجالان ل 31 دیسامبهرا 2003ێ ژی گۆت: «خهتا من خهتا چارهسهرییا دهمۆكراتیك و نووژهنكرنا میساقا مللی یه».
ب كورتاسی ئۆجالان ژ سباتا 1999ێ كو ژ نهیرووبی بۆ ئهنقهرێ هاتییه ڤهگهراندن ئهو هێژان د بالافرێ ده بوو وهختا ژ ئهفسهرێن میتێ ره گۆتی: «ئهز دخوازم خزمهتا تركیهیێ بكم، داییكا من تركه و ئهز ژ تركیهیێ حهز دكم».
ژ وێ رۆژێ ڤه ئۆجالان ت تشتهك بۆ گهلێ كورد و نهتهوهیا كورد نهكر، بهرهڤاژی وی ههر تشت بۆ تهپساندنا دۆزا كوردان و ڤینا وان یا ژ بۆی سهرخوهبوون و ئازادیێ بۆ بهرژهوهندییا دهولهتا ترك ئهنجام دا و ههتا رۆژا مه یا ئیرۆ كو پێڤاژۆییا «تركیهیا بێ تهرۆر» د رۆژهڤێ ده یه، ئهو رانهوهستیا بهلكو نها ژی بانگی كوردان بۆ حهلیان و ئاسمیلهبوونا د ناڤ جڤاكا ترك ده دكه.
