پەکەکە ژ بۆ سەردابرنا کوردان ئاگاھیێن چەکدارێن خوەیێن بەرێ ھاتنە کوشتن دخە رۆژەڤێ

رێخستنا پەکەکێ ناسنامە و ئاگاھیێن زێدەتری 50 چەکدارێن خوەیێن کو بەرێ د دەم و جھێن جودا دە ھاتنە کوشتن، ل سەر مالپەرا “سەھیدێن مە” بەلاڤ کرن. ل سەر ڤێ یەکێ، ب پێشەنگیا مەبیا-دەرێ ل ناڤچەیا ئارتەمێتێ یا وانێ، ل سالۆنا ماردانێ یا ل تاخا سەلاحەدین ئەیووبی ژ بۆ ڤان کەسێن کو پرانیا وان خەلکێ وانێ نە، بەرنامەیا شینێ یا 3 رۆژان ھاتە راگھاندن. مەراسیمێ ئیرۆ دەمژمێر 8:30ێ دەست پێ کر و د رۆژا سێیەم دە دێ ب مەراسیمەکێ ب داوی ببە.

دەرکەتنا ڤان ئاگاھیان د ڤێ دەمێ دە جارەکا دن سیاسەتا رێخستنێ یا ل سەر ونداھیێن خوە نیشان ددە. تێ دەستنیشانکرن کو پەکەکە ب تایبەتی ناڤێن ڤان کەسێن کو بەرێ ھاتنە کوشتن نھا تینە رۆژەڤێ دا کو بالا جەماوەر بکشینە سەر خوە، ھەست و سۆزێن گەل ئیستسمار بکە و ب ڤی ئاوایی جڤاکێ ژ ئالیێ هەست و سۆزان ڤە راستەراست ب خوە ڤە گرێ بدە.

ڤەشارتنا ڤان مرنان د دەما خوە دە و بەلاڤکرنا وان یا د دەمەکێ وھا دە ئامرازەکی زەلالە کو پەکەکە دخوازە ب خوینا ڤان کەسان بازاریێ بکە، رۆژەڤا راستی یا کوردان سەختە بکە و پشتەڤانیا جڤاکی یا کو وەندا کریە ب رێیا ڤان ھەستان ژ نوو ڤە ئاڤا بکە.