پهكهكهیا هلوهشیایی ژ بۆ سپیكرنا روویێن خاپۆ كهتیه تهڤگهرێ
پهكهكهیا هلوهشیایی ئیرۆ د ههولا سپیكرنا روویێن رهش یێن عهبدوللا ئۆجالان ده داخویانیهك دا و گۆت كو باوهر ژ نۆتێن ساخته یێن كو ل سهر ناڤێ ئیمرالیێ و ئۆجالان تێن پارڤهكرن نهكن.
پهكهكهیا هلوهشیایی كو ناڤێ تهڤگهرا ئاپۆیی ل خوهكرییه، ئیرۆ رۆژا دوشهمی 24 تهباخا 2026ێ داخویانیهك دهربارێ نۆت و پهیامین ئۆجالان یێن رۆژێن رابووری دا و گۆت: ئاخافتنێن كو ل مهدیایا جڤاكی ل سهر ناڤێ ئۆجالان تێن پارڤهكرن، ساختهنه و ت راستییا وان نینه، بلا ت كهس باوهر پێ نهكه.
عهبدوللا ئۆجالان د ههڤدیتنا خوه یا 2 تهباخا 2026ێ یا ب شاندهیا دهم پارتیێ ره تشتێن بالكێش گۆتبوون، وی ئهشكهره و ڤهكری پشتگرییا تام بۆ دهولهتا تركیێ ئیلان كر د ههمان دهمێ ده دژایهتییا ههر تشتێ گرێدای دۆز، ماف و چارهنووسا گهلێ كورد.
ئۆجالان گۆتبوو: «ئەم بەرێ ئالیگرێن سەرخوەبوونێ بوون و نھا ئەم کۆمارپارێزن، سبه، ئەمێ ب قاسی مهههپێ (پارتیا تەڤگەرا نەتەوەپەرەست) ستوونەک زەخم یا ڤێ دەولەتێ بن».
شاندهیا ئیمرالیێ یا دهم پارتیێ دوهـ رۆژا یهكشهمی 23 تهباخا 2026ێ داخویانی دهربارێ ڤان گۆتنێن ئۆجالان دا و راگهاند؛ نۆتێن كو ژ رۆژێن رابووری ڤه ل سهر ناڤێ ئۆجالان تێن پارڤهكرن، چاڤكانییا وان نهزهلاله. شاندهیا ئیمرالیێ رهد نهكر كو ئهڤ نۆت نهیێن ئۆجالانن، تهنێ گۆت كو چاڤكانییا وان نهزهلاله.
بهلاڤبوونا ڤان ئاخافتنێن ئۆجالان بهرتهكێن مهزن ل پهی هاتن و د مهدیایا جڤاكی ده بوون جیهێ نیقاشێ، لۆما ژی ئیرۆ 24 تهباخا 2026ێ رێڤهبهرییا پهكهكێ د ههولا ڤهشارتنا ڤان ئاخافتنێن رێبهرێ خوه ده داخویانی دا.
رێڤەبەریا پهكهكێ گۆت: نۆتێن ھەڤدیتنێ یێن ساختە یێن دکەڤن سەر مەدیایا دیژیتال، ژ ئالیێ ھێزێن دژبەر ڤە ل دژی ئاپۆ و تهڤگهرا مه ھاتنە ئامادەکرن. لەوما دڤێ ت کەس باوەری پێ نەیینە.
روویێن رهش یێن خاپۆ ب چ ئاڤ و سابوونان سپی نابن
رێڤهبهرییا پهكهكێ ئهڤ یێك راگهاند و د ههمان دهمێ ده گۆت: ئهم بهلاڤكرنا ڤان نۆتان ب پلانا ل دژی پێڤاژۆیا ئاشتی و جڤاکا دەمۆکراتیک دبینن.
ئهڤ ههولێن پهكهكێ و ههیئهتا دهم پارتیێ یا ڤهشارتن و بهرهڤاژیكرنا ئاخافتنێن ئۆجالان وهكه ههولهكه پووچ و شكهستی ژ هێلا گهل ڤه هاتن پێشوازی كرن، ژ بهر كو گهلێ كورد ب تهڤاهی گهشتییه وێ باوهرێ كو روویێن رهش یێن ئۆجالان ب ت ئاڤ و سابوونان نایێن سپی كرن و پاقژ نابن، گهلێ كورد راستییا ئاپۆ ناسكرییه و فێم كرنه كو ئهو چ قاس ل دژی كورد و كوردستانێ خهبتییه.
