کاراسو دیار کر کو ل دەرڤەیی چارچۆڤەیێ هێلانا نێزیکی 800 رێڤەبەر و کادرۆیان یەک ژ مژارێن بنگەھین یێن پێڤاژۆیێیە کو دڤێت بێتە چارەسەرکرن. کاراسو ئانی زمان کو نێزیکاتیێن ڤەبری یێن وەکی “کی دێ هێت، کی دێ ل دەرڤە مینیت” دکارن پێڤاژۆیێ زەحمەت بکن و تەکەز کر کو دڤێت پاشەرۆژا کەسێن ل دەرڤەیی چارچۆڤەیێ ل بەر چاڤان بێتە گرتن.
“ئەم دخوازین ڤەگەرینە ترکیەیێ و دەست ب سیاسەتا دەمۆکراتیک بکین”
کاراسو ل دژی وێ یەکێ دەرکەت کو کادرۆیێن پەکەکێ ل ھەرێما کوردستانێ، ب تایبەتی ل ھەولێر و سلێمانیێ د ناڤ کامپان دە بمینن.
کاراسو دیار کر کو ئەو تشتەکە قەت نایێ قەبوولکرن و گۆت کو ئارمانجا وان نە ئەوە کادرۆ ل کامپان دە بمینن، ئەو دخوازن ڤەگەرن ترکیەیێ و سیاسەتا دەمۆکراتیک برێڤە ببن.
د رەوشا نۆرمال دە دڤێت دەستپێکێ سڤیل بچن، لێ دهێتە هزرکرن کو سەدەما سەرەکی یا کو دهێلیت پەکەکە کامپا مەخموورێ بهێلیتە داوییێ تونەلێن مەزن یێن بن ئەردن کو پەکەکێ ل مەخموورێ کۆلانە، پەکەکە ناخازیت هەتا دەما داویێ دەست ژ ڤان تونەلان بەردە.
کاراسو د دەربارێ ھەڤدیتنێن لگەل دەولەتێ دە چ گۆت؟
ھەر چەند مستەفا کاراسو ھەلوەستەک وسا نیشان دا کو رایا گشتی شاش کر و راستیێن دەربارێ ھەڤدیتنێن وی یێن لگەل دەولەتێ و ئۆجالان ڤەشارتن، لێ بەلێ وی د راستیێ دە ب ئاوایەکی نەراستەراست قەبوول کر کو ھەڤدیتنێن وھا هاتینە ئەنجامدان.
کاراسو د ئاخافتنا خوە دە د مژارا ھەڤدیتنێن لگەل دەولەتێ دە ژی دەربرینێن ناکۆک ب کار ئانین. ژ ئالیەکی ڤە قەبوول کر کو وان لگەل رایەدارێن دەولەتێ ھەڤدیتن کرنە، ژ ئالیێ دن ڤە ژی داخوازا پێوەندیێن زێدەتر کر.
چاڤکانیێن پەکەکێ دیار دکن کو دوران کالکان دو جاران، د 2یێ شوباتێ و دەستپێکا تیرمەھێ دە چوویە ئیمرالیێ، هەر وەها جەمیل بایک ژی د دەستپێکا تەباخێ دە چوویە ئیمرالیێ. وسا خویا دکەت کو مستەفا کاراسو ھەول دایە ڤان ھەڤدیتنان ڤەشێریت، لێ ژ بۆ خوە رێیەک ژ بۆی مانۆڤرێن سیاسی ڤەکریە.
کاراسو ھەر وھا ئەو کەسێن کو نۆتێن ھەڤدیتنێ یێن د ناڤبەرا ئۆجالان و شاندەیا ئیمرالیێ دە بەلاڤ کرنە ب تێکدەرێن پێڤاژۆیێ تاوانبار کرن. کاراسو دەربرینەکا زەلالا وەکی “ھەڤدیتن چێنەبوویە” یان “دوران کالکان نەچوویە ئیمرالیێ” ب کار نەئانی، لێ رەخنە ل کەسێن کو نۆتێن ھەڤدیتنێ پارڤەکرنە گرت.
د ناڤ گەل دە نێرینەکا بەربەلاڤ ھەیە کو دبێژیت پەکەکە ھێزا ل پشت بەلاڤبوونا نۆتێن جڤینێیە کو د مەدیایێ دە هاتینە پارڤەکرن. تێ فکرین کو پەکەکێ ئەڤ نۆتێن جڤینێ ھەم ژ بۆ کو زەختێ ل دەولەتێ بکە و ھەم ژی داکو بنگەھا خوە یا پشتگریێ ب گۆتنا، ‘بنێرن، ئەڤ گاڤە نە بێفایدە تێنە ئاڤێتن.’خورت بکە بەلاڤ کرنە.
