گهلۆ دوران كالكان، بەسێ هۆزات و سەبری ئۆك دێ ل ئیمرالیێ وهرن جێگیر كرن؟
سێ بەرپرسێن پایەبلندێن پهكهكێ دێ خوە تەسلیمی ترکیەیێ بکن و دێ ژ بۆ گرتیگەھا ئیمرالیێ وەرن برن ژ بۆ كو ل ور بمینن ئهحمهد نهسین، کورێ نڤیسکارێ مەزنێ ترک عەزیز نهسین، ئەشکەرە کر کو سێ بەرپرسێن پایەبلندێن پهكهكێ دێ د چارچۆڤەیا پێڤاژۆیا بێچەککرنا پهكهكێ دە بچن ئیمرالیێ.
نهسین ناڤێن سێ بەرپرسان ئەشکەرە کر، ئهو ژی دوران کالکان، بهسێ ھۆزات و سهبری ئۆک، کو ھەمی ژی وەکی ئاقلێن مەزن یێن پهكهكێ تێنە حەسباندن.
ل گۆری ئەحمەد نهسین، ترکیەیێ بەرێ ژ بەرپرسێن پایەبلندێن پهكهكێ خوەستبوو کو وەلاتەکی سێیەمین ژ بۆ ژیانێ ھلبژێرن، لێ نھا ئەڤ یهك گوھەریە و ترکیە دەستوورێ ددە وان کو ل ئیمرالیێ بمینن.
ل گۆری نهسین، وەکی کو وی ل سەر حەسابێ خوەیێ مەدیایا جڤاکی وەشاندیە، ئاگاھی %100 راستە. سێ بەرپرسێن پهكهكێ ژ بۆ خوە دخوەستن و حکوومەتا ترکیەیێ ژی رازی بوو، لێ ئەشکەرە نەکر کو ئەوێ کەنگی و چاوا ڤەگەرن ترکیەیێ. گەلۆ ئەوێ وەرن پێشوازیکرن و دووڤ رە ببن ئیمرالیێ، ئان ژی پێڤاژۆ دێ ب دزی وەرە مەشاندن؟ ئان ژی ئەوێ وەرن دارزاندن و وەکی گرتی وەرن حەسباندن؟
د گۆتارەکێ دە، ئیسماعیل سڤەرەکلی، نڤیسکارەکی ناڤدار ل باکورێ کوردستانێ، گۆت کو حکوومەتا ترکیەیێ ژ بەر دو سەدەمان دەستوورێ ددە سێ بەرپرسێن پهكهكێ کو بچن ئیمرالیێ.
سەدەما یەکەم ئەوە کو ئەو دخوازن پهكهكێ ژ ھێلا سیاسی ڤە کۆنترۆل بکن، نە تەنێ ژ ھێلا لەشکەری ڤە. سەدەما دویەم ژی ئەوە کو ئەو ناھێلن پهكهكه پشتی چەکبەردانێ خوە نوو بکە.
ئەو دبێژە کو ھەکە ئەڤ پێڤاژۆ ببە چالاکی، دبە کو ئالیەک ئەرێنی ھەبە، ئەو ژی ئەڤە کو کوردێن ل ترکیەیێ و د پارلەمەنتۆیا ترکیەیێ دە دێ بھێز ببن و ب رێیا سیاسەتمەدارێن خوە ل ترکیەیێ سیاسەتێ بکن و ب ڤی ئاوایی مافێن خوەیێن نەتەوەیی ب دەست بخن.
ئەحمەد نهسن، خوەدیێ دۆکتۆرایێ و لێکۆلینەرێ سیاسییێ ناڤدار ل ترکیەیێ، ھەر تم پشتگری دایە مافێن کوردان و ئاگاھیێن وی د مەدیایا ترکیەیێ دە تێنە بەرچاڤگرتن.
