پارتیا وەکھەڤی و دەمۆکراسیا گەلان (دەم پارتی) کۆنگرەیا خوە یا 5ێ یا ئاسایی ل ناڤەندا چاندێ یا نازم حیکمەت یا ئەنقەرەیێ ل دار خست. د کۆنگرەیێ دە تونجەر باکرھان و توولای ھاتمۆگولاری ب تەڤاھیا 535 دەنگێن دەرباسدار یێن ئەندامان جارەکا دن وەکی ھەڤسەرۆکێن پارتیێ ھاتن ھلبژارتن.
ئەڤ کۆنگرەیا کو ژ بەر نەچارییا یاسایا پارتیێن سیاسی وەکی پرۆسەیەکا رووتین ھاتبوو ئۆرگانیزەکرن، بوو زەمینا راگھاندنا نەخشەرێیەکا نوویا سیاسی.
پەرڤین بوولدان: “سازبوونەکا نوو دەست پێ دکە”
جیگرا سەرۆکێ پارلامەنتۆیا ترکیەیێ، پارلامەنتەرا دەم پارتیێ و ئەنداما بەرێ یا شاندا ئیمرالیێ پەرڤین بوولدان پشتی کو دەنگێ خوە دا، داخویانیەکا گرینگ دا رۆژنامەڤانان.
بوولدان دەستنیشان کر کو پارتیا وان دکەڤە سەردەمەکە نوو یا ئاڤاکرنێ و وھا گۆت:
پەرڤین بوولدان ئەشکەرە کر کو کۆنگرەیا سەرەکی و بریاردار دێ د ناڤ چەند مەھان دە بێتە کرن و ناڤێ نوویێ تەڤگەرەکێ راگھاند:
“دبە کو د ناڤ چەند مەھان دە ئەم کۆنگرەیەکا دن ل دار بخن و ب راستی ژی تەڤگەرەکا نوو وەکی ‘تەڤگەرا کۆمارا دەمۆکراتیک’ ئاڤا بکن. پەیاما یەکەما ڤێ گوھەرینێ ئیرۆ ھاتە دایین و گاڤا یەکەم ھات ئاڤێتن.”
پێڤاژۆیا نوو کو وەکی گاڤا گوھەرینا ناڤ و نەخشەرێیا سیاسی تێ نرخاندن، نیشانا وێ یەکێیە کو دەم پارتی د بھارا پێش دە ئامادەکاریا ڤەگوھەرتنەکا بەرفرەھا رێخستنی و سیاسی دکە.
