پهكهكهیا هلوهشیایی نهرازیبوونا خوه ل سهر “قانوونا چارچووڤهیێ” یا كو پهكهكه ب تهڤاهی وهكه تهرۆریست ناسكری ئیلان كر.
پهكهكێ كو ناڤێ “تهڤگهرا ئاپۆیی” ل خوه كرییه، پشتی دهرباسبوونا یاسایێ ل پارلامهنتۆیێ ژ نووڤه رێبهرێن وێ یهك ب یێك ل مهدیایێ دهردكهڤن و دبێژن ئهڤ یاسا نه تهمامه، ل دهمهكێ وان دكاری بوو د دهما ئامادهكرنا یاسایێ ده كو هێژان پرۆژهیاسا بوو نهرازیبوونا خوه ئیلان بكن.
ئهڤ ژی ههولهكه دن یا پهكهكێ یه بۆ خاپاندنا گهل كو دخوازه ببێژه ئهم ل دژی ڤێ یاسایێ نه.
ئەندامێ کۆنسەیا رێڤەبەرا كهجهكێ مستهفا کاراسو دەربارێ “یاسایا چارچۆڤەیێ” و پێڤاژۆیا چارەسەریێ دە دەستنیشان کر کو دڤێ رێبەرێ پهكهكێ عهبدوللا ئۆجالان راستەراست ب جڤاکێ رە بجڤە و پێڤاژۆ ب شێوەیەکی زەلال ب رێڤە بچە.
ئەندامێ کۆنسەیا رێڤەبەر یا كهجهكێ مستهفا کاراسو بەشداری بەرنامەیەکە تەلەڤیزیۆنا مەدیا ھابەرێ بوو و بال کشاند سەر قۆناغا نوو یا تایبەت ب یاسایا چارچۆڤەیێ. کاراسو دیار کر، دەرکەتنا یاسایێ دەستپێکەکە، لێ یا گرینگ پراتیککرنا وێ و ئاڤێتنا گاڤێن بەربچاڤە.
مستافا کاراسو دەستنیشان کر، ژ بۆ پێڤاژۆ ب پێش ڤە بچە، دڤێ رێبەرێ پهكهكێ عهبدوللا ئۆجالان بکەڤە دەورێ و وھا گۆت: “پێدڤی ھەیە کو برێز ئۆجالان راستەراست بانگ ل جڤاکا ترکیەیێ و جڤاکا کورد بکە. دڤێ رێ بێ ڤەکرن کو ئەو رامانێن خوە ب ھێزێن دەمۆکراسیێ و دەردۆرێن سیاسی رە پارڤە بکە.”
کاراسو ھەر وھا دەستنیشان کر، پێڤاژۆیەک کو ب ئازادییا ئۆجالان ب ئەنجام نەبە، نابە پێڤاژۆیەکە تەمام و سەرکەفتی.
کاراسو رەخنە ل ئاوایێ سەپاندنا یاسایێ گرت و دیار کر کو ئەڤ یاسا نە ب تەنێ ژ بۆ ئالیەکییە: “ئەڤ یاسا راستەراست پەیوەندیا وێ ب مە و ھەموو ھەڤالێن د بن رێڤەبەرییا مە دە ھەیە. لێ ئەم دبینن کو برێز ئۆجالان، رێڤەبەریا مە و ھەژمارەکە مەزن یا کادرۆیێن مە د ناڤ ڤێ یاسایێ دە جھ ناگرن. ئەڤ پرسگرێکەک جدییە. دڤێ ھەر کەس ل گۆری کاراکتەرێ ڤێ پێڤاژۆیێ نێز ببە.”
مستافا کاراسو ئاماژە ب وێ کر کو پهكهكێ د بریارێن خوە یێن دیرۆکی دە ھەر گاڤ رۆلا سەرەکە دایە ئۆجالان و گۆت: “مە ھەر دەم گۆتیە: چ د دەما ھلوەشاندنا پهكهكێ دە، چ د دەما بداویکرنا تێکۆشینا چەکداری دە، مە دیار کریە کو ئۆجالان ڤێ پێڤاژۆیێ برێڤە دبە. بریارێن مە د بن ئینسیاتیف، کۆنترۆل و رێنیشاندانا وی دە نە.”
ل سەر پرسا راوەستانا چوونووھاتن یێن ئیمرالیێ پشتی دەرکەتنا یاسایێ، کاراسو وھا بەرسڤ دا: “ھێڤیەک ھەبوو کو پشتی یاسایێ رەوشا ئۆجالان بگوھەرە؛ ب چاپەمەنیێ رە، ب رۆناکبیران رە و ب تەڤگەرا مە رە تێکلیێ داینە. لێ ئەم دبینن کو د ڤی واری دە پێشکەتنەک نینە. ئەڤ پرسگرێکا ھەموو ترکیەیێ یە، نە تەنێ یا پارتیەکێیە. ژ بەر وێ، دڤێ پێڤاژۆ ژیا بەرێ شەفافتر ببە.”
