ھەڤۆکا “ئەنتەگراسیۆنا دەمۆکراتیک”، کو ژ ھێلا ئۆجالان ڤە ھاتیە ئافراندن و ژ ھێلا ئالیگری و شۆپینەرێن وی ڤە وەکی داھێنانەک دیرۆکی یا بێھەمپا، ژیر و پیرۆز تێ وهسفكرن، د بنگەھا خوه دە ئارمانج دکە کو کوردان ترک بکە، ناسنامەیا وان ژێ ببە و وان د ناڤ نهتهوهیا ترک دە ئاسیمیلە بکە.
ب ھەمان ئاوایی، ئارمانج دکە کو کوردێن ل رۆژئاڤایێ کوردستانێ عەرەب بکە و ناسنامەیا وان د دەولەتا عەرەبییا سووریەیێ دە ژ ھۆلێ راکە.
د دەربارێ خەملاندنا وێ ده ژی كو وەکی “دەمۆکراتیک” تێ بناڤکرن، ئهو یێك نیشان ددە کو پۆلیتیکایێن ترککرن و عەرەبکرنێ یێن كو بەرێ ب زۆرێ دھاتنە فەرزکرن، ئێدی ل ترکیە و سووریەیێ تێکچوونەک مەزن خوارنه. لهوما ژی دەم ھاتیە کو ڤان ئارمانجان ب ئاوایەکی ڤەشارتیتر، نهرمتر و د بن ھنجەتێن بەرفرەھ و نەزەلال دە وەرن بدەستخستن، کو د بن وان دە کورد دێ ب دلخوازی بەر ب ناڤا دەستێن دەستھلاتداریێ ل ئەنقەرە، شامێ و تەھرانێ ڤە وەرن برن.
