دەزگەھا ئاساییشا ھەرێما کوردستانێ راگھاند کو سبەھا ئیرۆ دوشەمێ، 14ێ ئیلۆنا 2026ێ، دەمژمێر د 3:10 خولەک دە ب 5 مووشەکان ئێریشی سەر چەند دەڤەرێن ل سینۆرێ پارێزگەھێن سلێمانی و حەلەبجەیێ ھاتیە کرن. ل گۆری داخویانیا فەرمی یا ئاساییشێ، د ئەنجاما ڤان ئێریشان دە چ زرارێن جانی چێنەبوونە.
د بەردەوامیا داخویانیێ دە ھات ئەشکەرەکرن کو 3 مووشەک ل دەڤەرا زرگوێزەلەیێ، مووشەکەک ل نێزیکی گوندێ گورگەچیایێ یێ گرێدایی ناحیەیا سیروانێ ل حەلەبجەیێ، و مووشەکا پێنجان ژی ل دەڤەرا قەرەداغێ ل ناڤبەرا گوندێن داری زایین و میراسیا ژێری کەتنە خوارێ.
د داویێ دە دەزگەھا ئاساییشا ھەرێما کوردستانێ داخواز ژ وەلاتیان کر کو ژ بۆ پاراستنا جان و ئەولەھیا خوە، نێزیکی جھێن ئێریشان نەبن و ب چ ئاوایی دەستکاریێ د بەرماییێن مووشەک و درۆنان دە نەکن.
