ل گۆری داخویانیێ د ھەڤدیتنێ دە ل سەر رەوشا ترکیەیێ، چارەسەرییا دەمۆکراتیک و ئاشتیەکە ماییندە ھات ئاخافتن.
شاندەیا ئیمرالیێ دا زانین کو ل سەر گاڤێن پراتیکی یێن پێڤاژۆیێ و بپێشکەتنێن ل ھەرێمێ نیقاش ھاتن کرن.
ئۆجالان: ئارمانجا من جڤاكا دهمۆكراتیكه
ئۆجالان د پەیاما خوە دە گۆتیە، “پێڤاژۆیا ئاشتی و جڤاکا دەمۆکراتیک گھیشتیە قۆناغەکە وسا کو بلەز پێویستی ب بجھانینا بەرپرسیاریێن دیرۆکی ھەیە.
پشتی پەسەندکرنا قانوونێ، پر گرینگە کو گاڤێن پراتیکی یێن ھەڤبەش وەرن ئاڤێتن و کۆمیتە دەست ب خەباتا خوە بکن.”
ل سەر ئارمانجا خوە ژی ئۆجالان وھا گۆتیە:
“ئارمانجا من ئەوە کو ئاشتی و سیاسیبوون پێک وەرن. ئاشتی تێ واتەیا چەکدانینێ. سیاسیبوون ژی تێ واتەیا سیاسەتا دەمۆکراتیک و جڤاکا دەمۆکراتیک.”
“ل بەر ترکیەیێ دەرفەتەکە دیرۆکی ھەیە”
ئۆجالان دیار کرییە کو ل بەر ترکیەیێ دەرفەتەکە دیرۆکی ھەیە و گۆتیە: “ئەز ھێڤی و باوەر دکم کو دێ ھەر کەس ب ڤێ ھشمەندیێ تەڤبگەرە. دا کو ئەم ئاشتیەکە ماییندە و چارەسەریەکە دەمۆکراتیک ب دەست بخن. بەرپرسیاریەکە دەملدەستە کو ئیرادەیا ئاشتیێ بێبنگەھ نەیێ ھشتن. دڤێ ئەڤ ئیرادە ب رێبازێن قانوونی و سیاسی یێن شێنبەر وەرە مسۆگەرکرن.”
شاندەیا ئیمرالیێ یا دەم پارتیێ د داوییا داخویانیا خوە دە دا زانین کو رێبازا بنگەھین یا ئۆجالان، ماییندەکرنا ئاشتیێ و دەمۆکراتیککرنا ترکیەیێ یە و ئۆجالان گۆتیە:
“رێیا ئاشتیێ ڤەکرییە. نھا دەم دەما وێ یە کو ژ بۆ ڤێ رێیێ ئیرادەیا سیاسی و پراتیک وەرە پێکئانین.”
