جوانێن شۆرهشگهر زارۆكهكی دن یێن كوردان رهڤاند
چهتهیێن پهكهكێ یێن ب ناڤێ “جوانێن شۆرهشگهر” جوانهكی دن ژ رۆژئاڤایێ كوردستانێ رهڤاندن و بۆ جیههكێ نهدیار برنه. باڤێ وی ژی ههر چ سازیهكه پهكهكێ ههیه ژ بۆی ڤهگهراندنا كورێ خوه سهردان كر، لێ ئهڤ ههولێن وی بێی ئهنجام مان.
چاڤكانیێن داركا مازی ل رۆژئاڤا كوردستانێ ئاشكهره كرن كو چهتهیێن “جوانێن شۆرهشگهر” جوانهكی دن یێ كورد ب ناڤێ “حهسهن ریاد سمۆ” كو تهمهن 15 سالی یه ژ باژارێ دربێسیێ یێ رۆژئاڤا كوردستانێ رهڤاندنه و ئهڤ دو مههن چارهنووسا وی نهدیاره.
دهستنیشان كرن، ئهڤ زارۆك ژ دربێسیێ یه ژداییكبووییێ 1\1\2011ێ یه و مالباتا وی نه ژ ئالیگرێن تهڤگهرا پهكهكێ نه.
ل گۆری ئاگاهیێن دهستێ مه، ژ دهما رهڤاندنا وی، “ریادێ” باڤێ حهسهن ههر چ سازییهكا پهكهكێ ل رۆژئاڤا كوردستانێ ههیه، سهردان كر لێ ئهڤ ههولێن وی یێن ژ بۆی ڤهگهراندنا كورێ خوه بێی ئهنجام مان و پهكهكێ ژێ ره گۆتییه: “كورێ ته ل جهم مه نینه و دهستێ ته ژ ته را ههر چ تشتا ته تێ بكه”!.
جوانێن شۆرهشگهر رێخستنهكه جوانان یا گرێدای پهكهكێ یه، ب تهعلیماتێن راستهراست یێن جهمیل باییك تهڤ دگهره و كارێ وێ چهكداركرنا زارۆكانه ژ بۆی پهكهكێ و باسكێن وێ یێن ل رۆژئاڤا كوردستانێ.
