جەمل بایک د ناڤبەرا ھلوەشاندنا پەکەکێ د سالا 2025ێ و تەباخا 2026ێ دە تەنێ سێ جاران لگەل چاپەمەنییێ ئاخڤییە. ئاگاھیێن مە دەستنیشان کرن کو بایک ژ پێڤاژۆیێ نەرەحەت بوو و ب بەهانەیا نەخوەشیێ خوە د شووندە دھێلا. لێبەلێ، پشتی کو ئۆجالان گۆت، “ھەکە ئەو نەخوەش بت، بلا وەرە با من،” بایک هێژ پتر عاجز بوو و ب تەڤاھی بێدەنگ ما. و ل گۆری ئاگاھیێن کو مە ژ چاڤکانیێن پر پێباوەر وەرگرتن و ژ گەلەک دەڤەران پشتراست کرن، بایک د تەباخا 2026ێ دە چوو ئیمرالیێ و لگەل ئۆجالان روو ب روو جڤیا.
و ژ وێ دەمێ ڤە، ئەو دو جاران د چاپەمەنییێ دە دییار بوو و داخویانیێن پر رادیکال دان. ئەڤ تێ ڤێ واتەیێ کو بایک ھاتیە ئاشکرن، کو بچیتە ئیمرالیێ و بەشداری پێڤاژۆیێ ببە و ئەرکی بگرە سەر خوە. و خویابوونا وی یا ب جۆش د چاپەمەنیێ دە یەکسەر پشتی ڤێ جڤینێ نیشان ددە کو ئەرک و وازیفەیەک نوو ژ وی رە ھاتیە دایین.
ھەکە مرۆڤ ژ نێزیک ڤە تەماشەی پەکەکێ بکەت، دێ هێتە دیتن کو ھەر چەند ئەرکێ رازیکرنا رایا گشتی یا ترکیێ د دەما پێڤاژۆیا ئەنتەگراسیۆنێا لگەل ترکیێ ژ بۆ ئەندامێن کۆما ئەنقەرێ یێن وەکی مستەفا قاراسوو و دوران کالکان ھاتیە ھشتن، کو ب ئەسلێ خوە ترکن و خوەدی نیرینەکا چەپگر یا بھێزن، لێ ژ بۆی ئەرکێ چاککرنا تراڤمایا د ناڤا کوردان دە، جەمیل بایک ھاتییە ئەرکدار کرن.
نە خەلەتە کو مرۆڤ پێشبینی بکە کو جەمیل بایک، ب رۆلا کو ل ئیمرالیێ گرتیە، دێ د دو مژارێن بنگەھین یێن د ناڤ کوردان دە رۆلەکی بلیزە.
یا یەکەم: پێڤاژۆیا کو ژ ھێلا ئۆجالان ڤە ھاتیە دەستپێکرن و داخویانیێن کو وی دانە د ناڤ کوردان دە کارڤەدانێن مەزن چێکرنە. کەسایەتیا بێ دەستوور و ستاتویا ئۆجالان، کو وی ب سالان مەخدوورییەتا “رێبەرێ گرتی” ب دەست خستیە، دهێتە تێکبرن. سەنگەرا بێقوسوور یا پەکەکێ، کو ب رێیا حەماسەتا شەھیدان و بەرخوەدانێ ب دەست خستیە، ژی دھەژیت. ھەم پەکەکە و ھەم ژی دەولەت ژ ڤێ رەوشێ نیگەرانن. ژ بەر ڤێ یەکێ، جەمیل بایک ئەرکا ئارامکرن، رازیکرن و ئاخافتنا لگەل کوردان گرتیە سەر خوە.
یا دویەمین: جەمیل بایک دێ ژ نھا و پێ ڤە د مژارێن رۆژئاڤا، باشوورێ کوردستانێ و رۆژھلاتێ کوردستانێ دە پتر دەنگێ خوە بلند بکە. ئەو دێ جیبجیکارێ سیاسەتا دەولەتێ و ئۆجالان یا ل ڤان ھەرێمان بە.
“راستیا کو ھەڤپەیڤین ل سەر کانالەکێ ب زمانێ کوردی وەکی نووچە تیڤی ھات دایین، و بایک د ئاخافتنا خوە دە ب تایبەتی پەیڤێن سۆرانی ب کار ئانین، دیارە کو جەمیل د خوازە خیتابی ھەرێمێن سۆران نشین بکە.
باییک ژ بۆ کوردان رۆلا پۆلیسێ باش دلیزە
ھەڤپەیڤینا جەمیل بایک یا نووچە تیڤی دەما کو د ڤێ چارچۆڤێ دە تێ تەماشەکرن، دەریێ شیرۆڤەکرنەک پر کوورتر ڤەدکەت. رەخنەیێن ل سەر مەزلووم عەبد ژی دەما کو د ڤێ چارچۆڤێ دە تێنە شیرۆڤەکرن جھێ خوە دبینن. ھەتا رایا کورد ژی، د ناڤ دە لایەنگرێن پەکەکێ ب خوە ژی، ب توندی ل دژی پێڤاژۆیا ل رۆژئاڤا و ل دژی ئەرکدارکرنا مەزلووم عەبدی وەکی شێورمەند پڕ نیگەرانن. بایک مازلووێ عەبدی ئارمانج گرتیە دا کو ڤێ کارڤەدانا گەل ل دژی رێخستن و ستراتەژیا وێ دوور بخە. وی عەبدی کریە قوربان کو بێژیت، “پەکەکە شاشیان ناکە؛ ئەڤ شاشی یا مەزلووم عەبدیە.” مەزلووم کرییە بەرخێ قووربانێ. ھەر وھا عەبدی وەکە کەسێ وێرانکەر یێ پێڤاژۆیا رۆژئاڤا ھاتە دەستنیشان کرن.
ب راستی، بایک دێ ژ نھا و پێڤە ب گشتی ڤێ رۆلێ گێریت، وێرانکرنا کو ژ ھێلا فکریات و پۆلیتیکایێن ئۆجالان ڤە ھاتیە ئافراندن ب رێیا کەسان، ئالیێن دن، شەرت و مەرجان و ھێزێن دەرڤە رە راڤە کت. بێ گومان، دەما کو ڤێ یەکێ دکەت، بایک دێ رۆلا پۆلیسێ باش گێریت.
نێرینا گشتی ئەوە کو دەولەتا ترک ژ بۆ دەرخستنا تەڤاھییا پەکەکێ ژ باشوور دودلە. ل گۆری دەولەتا ترک، ئەرکا پەکەکێ ل باشوور هێژ ژی بەردەوام دکە، و ئیحتیمالا دەستوەردانا ل باشوور و ئیراقێ بێیی هەبوونا پەکەکێ پر لاوازە. ژ بەر ڤێ یەکێ، پەکەکە و دەولەتا ترک ژ بۆ درێژکرنا پێڤاژۆیا دانینا چەکان و داکەتنا ژ چیایان ل ھەڤ دکن. واتە، ھەبوونا پەکەکێ ل باشوور دبیت کو ئەوقاس زوو ب داوی نەبت.
داخویانیێن جەمیل بایک یێن ل سەر باشوور د ھەڤپەیڤینێ دە د ڤی واری دە سەرنج راکێشن و ئەشکەرە دکن کو ئەو دێ ستراتەژیەک تاری ژ بۆ باشوور بشۆپینن.
