پهكهكێ د تهڤاهییا دیرۆكا خوه ده جوانێن كوردان ب ناڤێ ئازادییا كوردستانێ خاپاندنه، زارۆك رهڤاندن بهرێ وان دا مرنێ و د مرنا وان ده ژی سوود وهردگره و بانگهشێ ب وێنهیێن گهریلایێن شههید و مالباتێن وان دكه، تایبهت دهما رێخستن دكهڤه تهنگاسیێ.
عهبدوللا ئۆجالان ژی دهما كو گهریلایان ل چیایێن كوردستانێ جان ددا و ب جهسارهت ل همبهری مرنێ د سهكنین، ئهو د ڤیلا و ئاپارتمهنێن شامێ، حهلهب و لازقیێ ده ژیانهكه لوكس دهرباس دكر.
خاپۆ یێ كورێ عوهیشێ كو جارهكا ب تهنێ ژی لنگێ وی نهكهت چیا و نزانه تفهنگێ بگره و یهك فیشهك نهتهقاندییه، وی گهلهك جاران گهریلا ب كهر ناڤ كرنه، میناك دهما د پهخشا كهنالێ مهد تی ڤیێ ده ب تهلهفۆنێ تهڤلی بووی دگۆ: “بلا وهكی كهرا خوه بپارێزن، مه ئهو پهروهرده كرنه” مهبهستا ئۆجالان ئهو گهریلا بوون یێن كو ل سهر دهستێ ئارتێشا تركیهیێ دهاتن قهتل كرن.!!
پشتی ئیرۆ راستییا پهكهكێ و ئۆجالان بۆ ههر كهسی وهكه چاڤێ رۆژێ ئاشكهره بووی، ئێدی ههر كوردهك دزانه و فێم دكه كو تشتا ڤێ رێخستنێ و رێبهرێ وێ كری نه ژ بۆی كورد و كوردستانێ، بهلكو تام ل دژی كورد و كوردستانێ بوو، لۆما ژی خاپۆ و رێخستنا خوه كهتنه بهر پێلهكه دژوار یا بهرتهك و رهخنهیێن گهل.
ئیرۆ پهكهكهیا هلوهشیایی ژ بۆ كو ڤان بهرتهكێن گهل و رهخنهیێن ژ سهدهما “ئهنتهگراسیۆن و كۆمارپارێزییا ئۆجالان” ل سهر خوه و كورێ عوهیشێ سڤك بكه، مهلهفا شههیدان دانایه سهر ماسهیێ و ههر چهند رۆژان مهراسیمهكه بیرئانینا رهفهكا شههیدان ئۆرگانیزه دكه، پهكهكه ب رووقایمی ڤه وێنهیێن كوڕێ عوهیشێ ژی دخه ناڤا وان جوانێن بهلهنگاز ده، جوانێن كو دهولهت سهرێ خاپۆ و پهكهكهیا وی ژیانا وان ژێ هاتییه ستاندن.
