مەسروور بارزانی: پێشمەرگە ژ بۆ رووبرووبوونا ھەر ئێریش و گەفهكا ل سهر كوردستانێ ئامادەیە
سهرۆكوهزیرێ ھەرێما کوردستانێ راگھاند، پشتی ڤهكشینا هێزێن ههڤپهیمانییا ناڤنهتهوهیی ھێزێن پێشمەرگە ئامادە نە ژ بۆ رووبرووبوونا ھەر ئێریش یان گەفهكا ل سەر ھەرێما کوردستانێ.
ھێزێن ھەڤپەیمانیێ یێن ب سەرۆکاتیا ئامەریکایێ رۆژا چارشەمێ ژ ئیراقێ و ھەرێما کوردستانێ ڤەکشیان.
سەرۆکوەزیر مەسروور بارزانی ئیرۆ رۆژا چارشهمی 30 ئیلۆنا 2026ێ ل سەر ناڤێ گەلێ کورد سپاسییا دەولەتێن یەکبوویی و ھەمی وەلاتێن ھەڤپەیمانیا ناڤنەتەوەیی کر ژ بۆ ئالیکارییا وان د شەر و تێکبرنا داعشێ دە، ههروهها ئالیکاریکرن و باشترکرنا شیانێن ھێزێن پێشمەرگە و پاراستنا ھەرێما کوردستانێ و تەڤاھییا ئیراقێ.
سهرۆكوهزیر گۆت: “بێ گومان ئەمێ وێ ھەڤکاریێ و پشتگریێ قەت ژ بیر نەکن”.
مهسروور بارزانی د ئاخافتنا خوه ده گۆت: “بداویھاتنا میسیۆنا ھێزێن ھەڤپەیمانیێ نایێ واتەیا بداویبوونا تێکلیێن ب ھەڤالێن مە رە، لێ ئاوایێ تێکلیێن مە دێ بەر ب قادەکە دن ڤە بچن و دێ جودا بن، ھەم ژ ھێلا ئابۆری، چاندی، سیاسی، ئەولەھی و لەشکەری ڤە د پێشخستنا ڤان جورە تێکلیان دە.”
ههروهها دهستنیشان كر، گەلەک دژمن دکارن بفکرن کو بداویبوونا میسیۆنا ھەڤپەیمانیێ دێ گەفەک مەزنتر ل سەر ھەرێما کوردستانێ چێبکە و گۆت: “هێزێن پێشمەرگە ئامادە نە ژ بۆ رووبرووبوونا ھەر ئێریش یان گەفهكا ل سەر ھەرێما کوردستانێ دبه خهتهری”.
