کۆمبوونا جوانێن کورد ل گرێ سپی ئیرۆ، یەکشەمبێ (4ێ جۆتمەھا 2026ێ)، دەربارێ رەوشا مرۆڤی و یاسایی یا کۆچبەران بیرنامەیەکا لەزگین ئاراستەیی وەزارەتا ناڤخوە یا سووریەیێ، کۆمیتەیا مافێن مرۆڤان یا مەجلسا گەل، رێخستنێن ناڤدەولەتی و رووسپیێن ھەرێمێ کر. د داخویانیێ دە داخواز ھات کرن کو ڤەگەرا ب ئەولە و ب روومەت ژ بۆ کۆچبەران بهێت گارانتیکرن و داوی ل دەستەسەرکرنا سیستەماتیک یا ل سەر مال و زەڤیێن چاندنیێ بێ ئانین.
کۆمبوونێ بال کشاند سەر بنپێکرنێن گران یێن کو ل ناڤەندا گرێ سپی، عەین عیسا، عەین ئەل-عەرووس و گوندێن دەردۆرا وان (مینا تل ئەخدەر، بیر تەمەع و باقاجاخێ) روو ددن. ھات دیار کرن کو کۆمێن چەکدار یێن دیفاکتۆ ب شێوەیەکی نەیاسایی دەست داتینن سەر ملکێن خەلکێ رەسەن، بەرھەمێن وان دفرۆشن و ب بەهانەیا رێکارێن مینا “سندۆقا سەروەریێ” مەترسیا گوھەرتنا دیمۆگرافیک کوورتر دکن، بێیی کو چ میکانیزمەکا قانوونی یا لێپرسینێ ھەبە.
