ئۆجالان دێ ب هن رۆژنامه‌ڤانان ره‌ هه‌ڤدیتنێ بكه‌

پەرڤین بولدان، ئەنداما شاندەیا ئیمرالیێ یا پارتیا دەمێ راگهاند كو رێبه‌رێ په‌كه‌كه‌یا هلوه‌شیایی عه‌بدوللا ئۆجالان ل رۆژێن پێش مه‌ دێ ب رۆژنامەڤان، نڤیسکار و نوونەرێن جڤاکا سڤیل ره‌ هن هه‌ڤدیتنان بكه‌.

پەرڤین بولدان، دەستنیشان کر کو قۆناغەک نوو د پێڤاژۆیا ئاشتیێ دە دێ دەست پێ بکە، ھەڤدیتنێن د ناڤبەرا عه‌بدوللا ئۆجالان و رۆژنامەڤان، نڤیسکار و نوونەرێن جڤاکا سڤیل دە دکارن د رۆژەڤێ دە بن و گۆت، “دبە کو ئەم د رۆژێن پێش دە ل سەر ڤێ مژارێ پێشکەتنەک بەربچاڤ ببینن.”

بولدان، گۆت: عه‌بدوللا ئۆجالان دڤێ راستەراست ب بەشێن جودا یێن جڤاکێ رە تێکلی داینە و ھەڤپەیڤینان ب رۆژنامەڤانان رە بکە، جۆتمەھـ ژی وەکی مەھا ھەدەف ژ بۆ ڤێ یەکێ دەستنیشان کر.

بولدان دیار کر کو ئۆجالان گۆتیە کو ئەو د قۆناغەکە کریتیک یا پێڤاژۆیێ دە نە، و د سەردەما پێش دە دانووستاندنێن ل سەر ئالیێ سیاسی یێ مەسەلەیێ دێ وەرن رۆژەڤێ و گۆت: “ئۆجالان دێ رۆلا کۆۆردیناتۆرێ بگرە”.

بولدان دیار کر کو تێ پلانکرن کو ئۆجالان ھەم د بێچەکبوونێ دە و ھەم ژی د پێشڤەبرنا پێڤاژۆیا سیاسی و دەمۆکراتیک دە رۆلا کۆردیناتۆر بگرە سەر خوە.