ھەڤسەرۆکا بەرێ یا پێوەندیێن رێڤەبەریا خوەسەر و ئەنداما کۆمیتەیا پێوەندیێن دەرڤە یا پارلامەنتۆیا سووریەیێ ئیلھام ئەحمەد، د رۆژا یەکەما “دیدارا میری” دە ل ھەولێرێ ئاخڤی و پێشھاتێن داوی یێن سیاسی، ئەولەھی و مافێن کوردان ل سووریەیێ نرخاندن.
ئەحمەد گاڤا تەڤلێکرنا ھێزێن سووریەیا دەمۆکراتیک (ھەسەدێ) د ناڤ ئارتێشا سووریەیێ دە وەکی “شۆرەشەکا بەردەوام” پێناسە کر و تەکەز کر کو ئەڤ پێڤاژۆ د چەسپاندنا ئارامیا ھەرێمێ، ڤەکرنا دەریێن سینۆری و ڤەگەرا کۆچبەران دە گەلەکی سەرکەفتی بوویە. لێ بەلێ وی بالا گشتی کشاند سەر رەوشا ژنان و دیار کر کو پشتی یەکبوونا سازیان د ناڤ سیستەما دەولەتێ دە، د بەشداریا ژنان یا ل ناڤەندێن بریاردانێ دە پاشڤەچوونەک ھاتیە دیتن.
دەربارێ ناسکرنا فەرمی یا مافێن کوردان دە، ئیلهام ئەحمەد مەرسووما سەرۆکاتیا سووریەیێ کو جارا یەکەم ھەبوون، زمان و چاندا کوردان ب فەرمی ناس دکە وەکی گاڤەکا دیرۆکی نرخاند. تەڤی ڤێ یەکێ، وێ رەخنە ل نەبوونا میکانیزمایەکا زەلال یا د وارێ پەروەردەیا ب زمانێ کوردی دە گرت و داخواز کر کو گارانتیێن پراکتیکی بهێن دانین. ئەحمەد د داویێ دە بال کشاند سەر مەترسیا ھزرا شۆفینیست و دەستوەردانێن ھەرێمی یێن کو ل بەرامبەری پرۆسەیا یەکبوونێ دبن ئاستەنگ.
