مالباتا مامۆستە و سیاسەتمەدارێ کورد حەسەن کەلەش کو پشتی رەڤاندنێ ھاتبوو کوشتن، ب رێیا راگھاندنێ بانگ ل ئالیێن پەیوەندیدار کر کو کوژەرێن وی بلەز بهێن گرتن و سزادان.
د مەراسیما شینێ دە کو ل گوندێ سێگرکا چۆلێ یێ سەر ب باژارۆکێ گرکێ لەگێ برێڤە دچە، مامێ وی ئەحمەد کەلەش داخویانیەک دا و تەکەز کر کو ژ بۆ دابینکرنا ئارامیا جڤاکی و پاراستنا ئەولەھیا خەلکێ، دڤێت ئەنجامدەرێن ڤێ تاوانا گران بێنە دادگەهکرن و سزادان.
حەسەن کەلەش کو 20 سالان مامۆستەتیا دبستانا جەیلا یا ل رمێلانێ کربوو و ئەندامێ ئەنجوومەنا ھەرێمی یا پارتیا دەمۆکراتا کوردستان – سووریا (پەدەکە-سێ) بوو، د 30ێ ئیلۆنێ دە ل بازارا گرکێ لەگێ ژ ئالیێ کەسێن نەدیار ڤە ھاتبوو رەڤاندن. پشتی چەند رۆژان، تەرمێ وی ل دەڤەرا تل کۆچەرێ ھاتبوو دیتن.
