چاڤکانیێن ئەولەھیێ یێن ترکیەیێ راگھاندن کو رێخستنا په‌كه‌كه‌یا هلوه‌شیایی ل دەڤەرا بازێ یا ل ھەرێما مەتینایێ یا ھەرێما کوردستانێ 4 بارەگەھێن خوە ڤالا کرنە كو ژ شكه‌فت و تۆنێلێن شه‌ر پێكهاتینه.
چاڤکانیێن ئەولەھیێ یێن ترکیەیێ ژ ئاژانسا ئانادۆلویێ رە ئاخڤین و ئاگاھیێن نوو ده‌ربارێ پێڤاژۆیا چەکدانینا په‌كه‌كێ دانه.
وان چاڤکانیان دیار کر کو د چارچۆڤەیا ھەولدانێن ژ بۆ ڤالاکرنا دەڤەرێن کو مەترسیا پەڤچوونان ل وان ھەیە، په‌كه‌كه‌یا هلوه‌شیایی ل 8ێ چریا پێشین یا 2026ان 4 بارەگەھێن خوە ڤالا کرنە.
4 بارەگەھێن سەرەکە ھاتن ڤالاکرن
ل گۆری ئاگاھیێن وان چاڤکانیێن ئەولەھیێ، په‌كه‌كێ بارەگەھێن ب ناڤێ “خەبات، یاژک، سەبری و ساسۆن” یێن ل دەڤەرا بازێ یا مەتینایێ ڤالا کرنە.
دڤێ وەرە گۆتن کو په‌كه‌كێ رۆژا پێنجشەمێ 8ێ چریا پێشینا 2026ان ب ناڤێ برێڤەبریا تەڤگەرێ داخویانیەک بەلاڤ کربوو.
په‌كه‌كێ د داخویانیا خوە دە راگھاندبوو کو وان چەند رۆژ بەرێ ھەموو ھێزێن خوە ژ ناڤ ترکیەیێ ڤەکشاندنە.
ھەر وھا په‌كه‌كێ دیار کربوو کو وان تونەل و چەپەرێن خوە یێن ل زاپێ و مەتینایێ (ھەرێما کوردستانێ) ژی ڤالا کرنە.
