كۆمیته‌یا چه‌كدانینێ ل رۆژێن پێش مه دێ ل ئیمرالیێ ب سه‌رۆكتییا رێبه‌رێ په‌كه‌كێ عه‌بدوللا ئۆجالان بجڤه، ده‌وله‌ت باخچه‌لی ژی دێ ته‌ڤلی جڤینێ ببه.
ل گۆری ئاگاهیێن Halktvیێ، یه‌ك ژ كۆمیته‌یێن كو ژ بۆی ده‌وامكرنا پێڤاژۆیێ ژ هێلا پارلامه‌نتۆیا تركیه‌یێ ڤه هاتنه پێكئانین، كۆمیته‌یا چه‌كدانینێ یه و ئۆجالان سه‌رۆكتییا وێ دكه.
هات راگهاندن كو ل رۆژێن پێش مه، ئه‌ڤ كۆمیته دێ ل ئیمرالیێ جڤینا خوه ساز بكه، تایبه‌ت د وێ ڤیلایێ ده ی اكو ژ بۆی ئۆجالان هاتییه ئاڤاكرن.
ل گۆری ئاگاهیێن Halktvیێ، ده‌وله‌ت باخچه‌لی ژی دێ ته‌ڤلی ڤێ جڤینێ ببه.
ده‌ستنیشانكرنا ده‌م و جیهێ جڤینا كۆمیته‌یا چه‌كدانینێ، هه‌موه‌ختا ڤه‌كشینا ته‌ڤاهییا هێزێن په‌كه‌كێ ژ ناڤ و سینۆرێ تركیێ تێ كو په‌كه‌كێ ئه‌ڤ یێك ل 8 جۆتمه‌هێ ب داخویانیه‌ك فه‌رمی راگهاندبوو.
ژ بۆی پێڤاژۆیا ئاشتیێ كو تركیه ناڤێ پێڤاژۆیا تركیه‌یا بێی ته‌رۆر لێ دكه، 4 كۆمیته ژ هێلا پارلامه‌نتۆیێ ڤه هاتنه پێكئانین، ئه‌نجومه‌نا ئه‌وله‌هییا ناڤنه‌ته‌وه‌ی یا تركیێ ئه‌ركا بجیهكرنا كار و خه‌باتێن ڤان كۆمیته‌یان دگره سه‌ر خوه.
كۆمیته‌یا چه‌كدانینێ ئۆجالان سه‌رۆكتییا وێ دكه و ل رۆژێن پێش مه دێ ل ئیمرالیێ یه‌كه‌م جڤینا خوه ل دار بخه.
