مەزلووم عەبدی دیار کر کو ئەو ھەولان ددن مافێن کوردان د دەستوورێ دە بینن جھ و گۆت: “د رێکەفتنا 10ێ ئادارێ دە ھاتیە دیاکرن کو دڤێت مافێن کوردان د دەستوورێ دە بێتن گارانتیکرن.”
مەزلووم عەبدی، شێورمەندێ سەرۆکاتیا کۆمارا سووریەیێ، د دیدارا میری دە راگھاند: “پرسگرێکا مە یا زمانی ھەیە و ھین نەھاتیە چارەسەرکرن، لێ بەلێ پێشکەتن ھەیە. دۆزەکا کوردی ل سووریەیێ ھەیە و دەڤەرێن کوردی خوەدی تایبەتمەندیا خوە نە. دیسا ژی ل عەفرین و جزیرێ هێژ پرسگرێک ھەنە کو دڤێت بێتن چارەسەرکرن.”
مەزلووم عەبدی دا زانین کو ئاستەکێ باوەریێ د ناڤبەرا وی و ئەحمەد شەرع دە چێبوویە، لێ تەکەز کر کو ژ بۆ ئاڤاکرنا باوەریەکا تەمام “د ناڤبەرا مە و شامێ دە دەم پێویستە.”
عەبدی دەربارێ پرۆسەیا تەڤلیبوون و ئەنتەگراسیۆنا د ناڤ ئارتێشا سووریەیێ دە گۆت: “ئەم گھیشتنە ئاستەکێ کو پاشڤەڤەگەر ژێ رە تونەیە. ئەم دێ ب ناسنامەیا خوە تەڤلی ھێزێن سووریەیێ ببن. سووریەیەکا نوو تێ ئاڤاکرن و دەرفەتێن باش ژ بۆ گەلێن سووریەیێ ھەنە؛ د ھەمان دەمێ دە ئاستەنگی ژی ھەنە کو دڤێت ئەم وان دەرباس بکن.”
