بارەگایێ بارزانی دەربارێ برێڤەچوونا دیدارا میری یا 2026ێ دە ل باژارێ ھەولێرێ داخویانیەک بەلاڤ کر و راگهاند کو ئەڤ دیدارە د وارێ ڤەخوەندنا مێڤانان و پانێلان دە خوەدی ھەلوەستەکێ پر ئالی نەبوویە.
د داخویانیا بارەگایێ بارزانی دە ھات دەستنیشانکرن کو جھێ داخێیە کو ئیسال ئەڤ کۆربەندە نەکاری ب ئاوایەکی شایەستە ل سەر پرسا ڤەخوەندنا مێڤانان و پێکانینا پانێلان دە، پڕ رەنگیا سیاسی و بەشداریا ئالیێن سیاسی یێن بەشێن دن یێن کوردستانێ ل بەر چاڤان بگرە. بارەگایا بارزانی بال کشاند سەر وێ یەکێ کو د دیدارەکا ب ڤی رەنگی یا گرینگ دە دڤێت نوونەرێن دۆزا گەلێ کورد ل بەشێن دن یێن کوردستانێ ژی ب تەڤاهی بەشدار ببوونا.
د داخویانیێ دە ھەر وھا ھاتە گۆتن کو ئەڤ شێوازێ سەرەدەریکرنێ بوویە سەدەما نیگەرانیا خەلکێ تێکۆشەر و رەسەنێ بەشێن دن یێن کوردستانێ و دبە سەدەما کوورکرنا پەرچەبوون و دووبەرەکیێ د ناڤبەرا گەلێ کوردستانێ دە. د داویێ دە ژی ھەموو ئالی ھاتن ئاگاھدارکرن کو دیدارا میری چ نێزکبوون و پێوەندیەک ب بارەگایێ بارزانی ڤە نینە.
