ل باشوورێ پارێزگەھا کەرکووکێ د ئەنجاما تەقینا بۆمبەیەکە ڤەدایی دە ب ھێزێن ئارتێشا ئیراقێ دە، ئەفسەرەکی پایەبلند و لەشکەرەک ھاتن کوشتن و دو لەشکەرێن دن ژی بریندار بوون.
هات راگهاندن تەقین ل وادی زخەیتوونێ یا ل باشوورێ پارێزگەھا کەرکووکێ، د دەما برێڤەچوونا ئۆپەراسیۆنەکە پشکنین و پاقژکرنا ناڤچەیێ دە، قەومیە.
د ئەنجاما تەقینێ دە ئەفسەرەکی ب پلەیا “عەمید” ل گەل لەشکەرەکی ھاتنە کوشتن و ھەر وھا دو لەشکەرێن دن ژی ب گرانی بریندار بوونە.
ئەڤ گەریان و پشکنین پشتی وێ یەکێ ھات کو دوھی فرۆکەیێن شەر ل ھەمان ھەرێمێ چەند ڤەشارتگەھ و کۆزکێن پاشمایێن چەتەیێن داعشێ کربوون ئارمانج و بۆمبەباران کربوون.
ل گۆری زانیاریان، یەکسەر پشتی بوویەرێ ھێزێن زێدەترێن ئەولەھیێ گھیشتنە جھێ تەقینێ، ھەرێم خستنە بن کۆنترۆلێ و تەرمێ کوشتییان ل گەل برینداران بۆ نەخوەشخانەیێن ناڤا باژارێ کەرکووکێ ھاتنە ڤەگوھاستن.
