وەزیرێ کارێن دەرڤەیێ ترکیەیێ ھاکان فیدان د چارچۆڤەیا سەردانا خوە یا فەرمی یا ژ بۆ بەغدایێ دە، کو ژ بۆ بەشداربوونا جڤینا کۆنسەیا وەزیرێن کارێن دەرڤەیێن رێخستنا ھەڤکاریا ئیسلامی پێک ھاتبوو، رێزەھەڤدیتنێن دیپلۆماتیک و ئەولەھی ئەنجام دان. د سەردانێ دە ترکیەیێ پشتی سال و نیڤەکێ سەرۆکاتیا ڤێ رێخستنێ رادەستی ئیراقێ کر.
فیدان د داخویانیا خوەیا ژ بۆ مەدیا فەرمی دە ئانی زمان کو وی لگەل سەرۆکوەزیرێ ئیراقێ عەلی زەیدی ل سەر چەندین دۆسیایێن ستراتەژیک یێن مینا ئەنەرژی، بنەسازی، پرۆژەیا رێیا بپێشکەتنێ، تۆرا پاراستن و ئەولەھیێ، رووبرووبوونا تەرۆرێ و تایبەتی چارەسەرکرنا پرسا شنگالێ گۆتووبێژێن کوور کرینە. وی ھەلوەستا ئاڤاکەر یا سەرەکوەزیرێ ئیراقێ بۆ گەشەپێدانا پێوەندیان بلند نرخاند.
د پێنگاڤەکا دن یا گرینگ دە، فیدان لگەل سەرۆکێ دەستەیا حەشدا شەعبی فالح فەیاز ھەڤدیتن کر و دا زانین کو وان رەوشا ھەرێمێ و تەدبیرێن پراکتیکی یێن ژ بۆ پێنگاڤێن چەکدانینا کۆمێن چەکدارێن ل ئیراقێ نرخاندنە. د چارچۆڤەیا ڤێ سەردانێ دە، وەزیرێ دەرڤەیێ ترکیەیێ ھەر وھا لگەل وەزیرێ دەرڤە فوئاد حوسێن، شێورمەندێ ئەولەھیا نەتەوەیی قاسم عەببوودی، سەرۆکێ پارلامەنتۆیێ ھەیبەت حەلبووسی و سەرۆکێ ئەنیا ترکمەنی محەمەد سەمعان ئاغا جڤیا و پابەندبوونا ئەنقەرەیێ یا بۆ پشتگریکرنا ئارامیا ئیراقێ دوپات کر.
