تێ چاڤه‌رێكرن كو رێبه‌رێ په‌كه‌كه‌یا هلوه‌شیایی عه‌بدوللا ئۆجالان ب رێیا ڤیدیۆكۆنفه‌رانسێ ئان رێبازەک دن بەشداری جڤینێن كۆمیته‌یێن پێڤاژۆیا “تركیه‌یا بێی ته‌رۆر” ببە و گەر پێویست بە، جڤین دکارن ل ئیمرالیێ ژی وەرن لدارخستن.
4 كۆمیته‌یێن کو د ناڤ سەرۆککۆماریێ دە ھاتنە دامەزراندن، دەست ب خەباتا خوە یا ل سەر پێڤاژۆیا بێچەککرن، تاسفیەکرن و ھلوەشاندنا په‌كه‌كێ کرنە.
هات راگهاندن كو ل رۆژێن پێش مه، جڤینێن كۆمیته‌یێن پێوه‌ندیدار دێ وه‌رن لدارخستن و عه‌بدوللا ئۆجالان دكار ب رییا ڤیدیۆكۆنفه‌رانسێ یان رێبازه‌ك دن ته‌ڤلی ڤان جڤینان ببه.
بەرنامەیا خەباتێ یێ كۆمیته‌یێن كو د سه‌رۆككۆماریێ ده هاتنه پێكئانین، دێ پێڤاژۆیا چارەسەریێ به کو حکوومەت ژێ رە دبێژە “ترکیەیا بێ تەرۆر”.
هه‌ر یێك ژ كۆمیته‌یێن چاڤدێریکرن و دیارکرنێ و كۆمیته‌یا بێچەککرنێ و کۆۆردیناسیۆنا ستراتەژیک، د ناڤ سەرۆککۆماریێ دە ھاتنە دامەزراندن و وان دەست ب خەباتا خوە کرنە.
هه‌روه‌ها کۆمیتەیا دادوەری و یاسایی، کو دێ پێڤاژۆیێن یاسایی یێن ئەندامێن په‌كه‌كێ یێن كو تەسلیم بوونە ئان ژی د گرتیگەھێ دە نە بشۆپینە. کۆمیتەیا یەکگرتنا جڤاکی و ئەنتەگراسیۆنێ ژی، کو دێ ب پێڤاژۆیێن ئەنتەگراسیۆنا جڤاکی یا کەسێن کو چەکێن خوە دانینە رە مژوول ببە.
ئۆجالان دێ به‌شداری جڤینێ ببه
هات راگهاندن كو كۆمیته‌یا ستراتەژیک و بێچەککرنێ، کو دێ چاڤدێرییا و پێڤاژۆیا بێچەککرن، تاسفیەکرن و ھلوەشاندنا په‌كه‌كێ بکە، دبە کو د رۆژێن پێش مه دە ب بەشدارییا عه‌بدوللا ئۆجالان بجڤە.
کۆمیتە دێ نوونەرێن رێخستنا ئیستیخباراتا نەتەوەیی (میت)، وەزارەتا کارێن ھوندر، وەزارەتا کارێن دەرڤە و وەزارەتا پاراستنا نەتەوەیی د ناڤ خوە دە بگرە، و ھەر وەھا کۆمیتە دێ پێڤاژۆیێن ھاتنا ئەندامێن په‌كه‌كێ بۆ ترکیەیێ ژی کۆۆردیناسیۆن بکە.
