د سه‌ر داستانا پردێ ره 9 سال ده‌رباس دبن، داستانا كو هێزێن پێشمه‌رگه تێ ده ب له‌هنگییا خوه پیلانا دژمن یا ژ بۆی داگیركرنا هه‌ولێرێ تێكبری.
پشتی بوویەرێن 16ێ جۆتمەھا 2017ان و داگیرکرنا کەرکووک و خورماتوویێ، ھێزێن ئیراقێ و ملیسێن حەشدا شەعبی ب پێشڤەچوونەکە بەرفرەھ ژ ئالیێ پردێ ڤە بەرێ خوە دابوون ھەولێرێ، ب ئارمانجا کو تەڤاھیا ھەرێما کوردستانێ داگیر بکن.
لێ بەلێ ھێزێن پێشمەرگە ل بەرامبەری ڤێ ئێرشێ بەرخوەدانەکە دیرۆکی نیشان دان، پێشڤەچوونا وان راوەستاندن و خەونا داگیرکرنا ھەولێرێ تێک برن. د ڤێ بەرخوەدانێ دە 7 پێشمەرگەیێن قەھرەمان شەھید بوون.
د 20ێ جۆتمەھا 2017ان دە، دەمژمێر 07:00ێ سبەھێ، ئارتێشا ئیراقێ و ملیس ب تۆپبارانەکە گران ژ باژارۆکێ پردێ ڤە بەر ب چەپەرێن پێشمەرگە و باژارێ ھەولێرێ ڤە پێشرەوی کرن.
لێ پێشمەرگە ب ئیرادەیەکە پۆلایی ل ھەمبەری وان سەکنین. د ڤی شەری دە تانكەکە ژ جورەیێ ئابرامز یا ئامەریکی – کو یەک ژ پێشکەفتیترین تانكێن جیھانێ یە و ژ بۆ شەرێ ل دژی داعشێ دابوون ئارتێشا ئیراقێ – ژ ئالیێ ھێزێن پێشمەرگە ڤە ھات تەقاندن و ژناڤبرن.
ب ڤی ئاوایی داستانا پردێ د دیرۆکا کوردستانێ دە وەکی “داستانا شکاندنا ئابرامزان” ھات تۆمارکرن و ترس خستە ناڤ دلێ ئێرشکاران، رێ ل بەر داگیرکرنا ھەولێرێ گرت و سینۆرەک ژ بۆ خاکا کوردستانێ خێز کر.
