د چارچۆڤەیا لێپرسینەکا گەندەلیێ دە کو ژ ئالیێ سەردۆزگەریا گشتی یا موگلایێ ڤە تێ برێڤەبرن، ل 13 پارێزگەھان ل دژی شارەداریا میلاسێ ئۆپەراسیۆنەکا بەرفرەھ و ھەڤدەم ھات لدارخستن. د ئەنجامێ دە 29 کەس، د ناڤ دە شارەدارێ میلاسێ فەوزی تۆپوز و کورێ وی دۆروک تۆپوز ژی ھەنە، ھاتن بنچاڤکرن.
لێپرسین ل سەر ئیدیعایێن کو دبێژن د ئیحالەیان دە بەلگەیێن سەختە و دیپلۆمێن تەجرووبەیێ یێن ب نرخێ ژ 2.5 ملیار لیرەیێن ترکی زێدەتر ھاتنە دایین، تێ مەشاندن. ئۆپەراسیۆن ژ بۆ گرتنا 35 گومانباران ل پارێزگەھێن موگلا، ئەدەنە، ئەنقەرە، بورسا، ئەلعەزیز، جۆلەمێرگ، ستەنبۆل، دیلۆک، کلس، کۆجاعەلی، مانسا، وان و ئۆردویێ ب رێ ڤە چوو.
رایەدارێن دادگەهێ دیار کرن کو لێپرسین ب تۆھمەتێن “ئاڤاکرنا رێخستنەکێ ژ بۆ بەرژەوەندیان، بەرتیل، سەختەکرنا ئیحالەیان، سەختەکرنا بەلگەیێن فەرمی و خاپاندنا ب قەستی ل سەر زرارا سازیێن گشتی” تێ کرن و لێپرسینا بەرفرەھ ددۆمە.
