پله‌ی سته‌یشنێ سورپرایزه‌كه‌ مه‌زن راگهاند

پله‌ی سته‌یشنێ سورپرایزه‌كه‌ مه‌زن راگهاند

كۆمپانیا مه‌زن ئا ژاپۆنی سۆنی پله‌یسته‌یشنێ سورپرایزه‌كه‌ مه‌زن ژبۆ حه‌زژێكه‌رێن خوه‌ راگهاند و سێرڤسا PlayStation Now ب رێژا 50% ژ بهایێ وێ كێم كر.

كۆمپانیا سۆنی پله‌یسته‌یشن ئا ڤیدیۆ و ئه‌نیمه‌یشێن گێمان ئه‌شكه‌ره‌ كر، وان بهایێ به‌شداربوونێ ل سێرڤسا ب ناڤێ PlayStation Now داشكاندنه‌كه‌ هه‌ری مه‌زن تێدا كریه‌ كو دگه‌هه‌ 50%، ئه‌ڤ داشكاندن ژ ڤێ مه‌هێ ئۆكتۆبه‌را 2019ان حه‌سابه‌.

كۆمپانی دبێژه‌: وان بهایێ به‌شداربوونا مه‌هان ژ 24.99 دۆلاران ژ بۆ 9.99 دۆلاران داشكاندن خستیه‌ تێده‌، هه‌ر وها بهایێ به‌شداربوونا 3 مه‌هی ژ 44.99 دۆلاران ژبۆ 24.99 دۆلاران كریه‌.

هه‌موه‌خت به‌شداربوونا سالێ ژی ژ 99.99 دۆلارێن ئه‌مه‌ریكی كریه‌ 59.99 دۆلار.

كۆمپانیا سۆنی هه‌ر وها دیاركر، د كارین ده‌یه‌ 800 گه‌یمێن نوو نها ل سه‌ر سێرڤسا PlayStation Now بهێن دیتن، وه‌ك گه‌یمێن 4 God of Wa و Grand Theft Autoو هه‌ژماره‌كه‌ دن.

كۆمپانیا سۆنیێ به‌ریا نها ئه‌شكه‌ره‌ كربوو ئه‌و دێ پله‌یسته‌یشن 5 ب هنه‌ك ته‌نكۆلۆژیا و ئاوایه‌كێ هه‌ری پێشكه‌تی و ب كوالێتیا 8K بخه‌ د بازاران ده‌.

پله‌ی سته‌یشنێ سورپرایزه‌كه‌ مه‌زن راگهاند

وێ ل سالا 2020ان بسه‌كنه‌ WhatsApp

واتسئاپ وێ ل 2020ان بسه‌كنه‌

ئاپلیكه‌یشنا هه‌ری ناسیار Whatsapp د پلانا خوه‌ ئا سالا 2020ان ده‌ ئه‌شكه‌ره‌ كریه، تا چه‌ند مه‌هه‌كێن دن سه‌رڤسا وان ل سه‌ر هه‌ژماره‌كه‌ هه‌ری مه‌زن ئا مۆبایلان نا مینه‌.

شركه‌تا Whatsapp ێ د به‌یانه‌كه‌ نڤیسكی ده‌ كو ئیرۆ رۆژا یه‌كشه‌می 29/9/2019 وشاندنه، تێده‌ ئه‌شكه‌ره‌ كر تا مه‌ها سباتا 2020ان سه‌رڤسا وان ل سه‌ر سیسته‌ما (Android 2.3.7) و هه‌ر وها سیسته‌ما (iOS 7) نامینه‌، واته‌ هه‌ر ئامیره‌كێ مۆبایلێ كو ئه‌ڤ سیسته‌م ل سه‌ر به‌، Whatsapp وێ پشتگریێ لێ نه‌كه‌.

مالپه‌را Businesstoday ئه‌ڤ به‌یانا Whatsapp ێ وه‌شاندیه‌ و تێده‌ هاتیه‌ گۆتن كو خوه‌دیێن وان مۆبایلان كو سیسته‌مێن به‌رێ ئێن (Android 2.3.7) و (iOS 7) ل سه‌رن، ئێدی نكارن هه‌سابێن خوه‌ كۆنترۆل بكن هه‌ر وها هه‌سابێن نوو ئێن Whatsapp ێ ئاڤا بكن.

Whatsapp ئه‌ڤ بریار د سه‌رڤسا خوه‌ ده‌ ژبۆ مه‌رامێن سیكیۆرتیێ دایینه‌، ژ بۆ كو تو گرفته‌كه‌ ته‌كنیكی ژ بۆ بكارهێنه‌رێن وێ نه‌ده‌ركه‌ڤه‌ هۆلێ.

هه‌ژمارا پێگه‌هێن ئێنته‌رنێتێ ژ 1.7 ملیاران ده‌رباسبوویه‌

هه‌ژمارا پێگه‌هان ل سه‌ر تۆرا ئێنته‌رنێتێ ژ 1.7 ملیار پێگه‌هان، ده‌رباس بوویه‌ پشتی كو 25 سال ب سه‌ر بكارئانینا وێ تۆرێ ده‌ ده‌رباسبووین.

ل گۆر پێگه‌ها ئێنترنێت لایڤ ستاتس كو تایبه‌ت ب كار و پێگه‌هێن ئه‌لیكترۆنی ڤه‌، هه‌ژمارا مالپه‌ران ل سه‌ر تۆرا ئێنته‌رنێتێ گه‌هشتیه‌ 1.714 ملیار مالپه‌ران و ئه‌ڤ هه‌ژمار به‌ر ب زێده‌بوونێ دچه‌.

وێ مالپه‌رێ ئه‌شكه‌ره‌ كر هه‌ژمارا پێگه‌هان رۆژ بۆ رۆژێ د زێده‌بوونێ ده‌یه‌ و پێشبینی كریه‌ ئه‌ڤ هه‌ژمار بگه‌هه‌ ئاستا 2 ملیار پێگه‌هان.

ل گۆری زانیاریێن پێگه‌ها ئێنترنێت لایڤ ستاتس، د نها ده‌، پێتری 4 ملیار مرۆڤان ل سه‌رانسه‌ری جیهانێ ئێنته‌رنێتێ بكار دئینن.

بیرۆكا ئێنته‌رنێتێ ژ ئالیێ تێم بێرنه‌ر ئه‌ندازیارێ به‌ریتانی هاتیه‌ ده‌ما كو ل یه‌ك ژ تاقیگه‌هێن وه‌لاتێ سویسرایێ وه‌كه‌ ئه‌ندازیارێ فیزیكی كار دكری، ده‌ما كاری هه‌ژماره‌كا كۆمپیۆته‌ران پێكڤه‌ گرێده‌ت.

ئه‌ندازیارێ گه‌نج ل 12 ئادارا 1989ان ئه‌و یه‌ك كره‌ پرۆژه‌ و ژیانا ته‌ڤ جیهانێ گوهه‌ری، له‌و 12 ئادارێ ب رۆژبوونا ئێنته‌رنێتێ تێ هه‌ژمارتن.