هه‌ده‌پێ سه‌ید خان ل داوییا رێ ب ته‌نێ هشت

هه‌ده‌پێ سه‌ید خان ل داوییا رێ ب ته‌نێ هشت

ده‌نگبێژێ هه‌ری ناسیارێ باكورێ كوردستانێ «سه‌ید خان بۆیاخچی» كۆچا داویێ كر، ئه‌ڤ دنگبێژ د پرانییا میتینگ و ئاهه‌نگێن هه‌ده‌پێ ده‌ ئاماده‌ بوو، لێ به‌لێ هه‌ده‌پێ ئه‌و ل داوییا رێ ژبیر كر و ب ته‌نێ هشت.

ده‌نگبێژێ ناسیارێ ئامه‌دا باكورێ كوردستانێ «سه‌ید خان بۆیاخچی» دوهـ رۆژا یه‌كشه‌می 5/7/2020ان د ته‌مه‌نا 99 سالیێ ده‌، كۆچا داویێ كر، ڤی ده‌نگبێژی پێتری 70 سالان خزمه‌تا سترانا كوردی كرییه‌، ستران و حه‌یران ب ئێش، ئازار و ئه‌ڤین، دۆل وچیایێن كوردستانێ گۆتنه‌ و ب سه‌دان ستران خستنه‌ ناڤا ئارشیفێ سترانا كوردی.

به‌ریا پێتری ساله‌كێ ئه‌و نه‌خوه‌ش كه‌تبوو و دوهـ رۆژا یه‌كشه‌می كۆچا داویێ و كر و جه‌سه‌دێ وی ل گۆرستانا ئامه‌دێ هات بن ئاخ كرن.

پارتییا ده‌مۆكراتیك یا گه‌لان هه‌ده‌په‌ ژ بۆ میتینگ و ئاهه‌نگێن خوه‌ هه‌ر زێده‌ پشت به‌ستن ل سه‌ر ده‌نگبێژ «سه‌ید خان بۆیاخچی» دكر، لێ به‌لێ پاش نه‌خوه‌ش كه‌تنا بۆیاخچی ئه‌و ژ ئالیێ هه‌ده‌پێ ڤه‌ تێ ژبیر كرن و پشت گوهـ ئاڤێتن.

ژ به‌رییا بۆیاخچی كۆچا داویێ بكه‌ ب ده‌مه‌كێ، وی گۆتبوو: «من پر جاران به‌شداری ئاهه‌نگ و میتینگان كرییه‌، لێ به‌لێ پاش كو ئه‌ز نه‌خوه‌ش كه‌تیم، هه‌موویان ئه‌ز ژبیر كرم و ب ته‌نێ هشتم».

سه‌ید خان بۆیاغچی ناڤێ وی یێ درست «سه‌ید شه‌مشه‌كه»‌، ژ به‌ر كو وی ژ بۆ وه‌خته‌كا درێژ كارێ بۆیاغچێتیێ دكر، ئه‌و وه‌كه‌ كۆد ناڤ ژ بۆ وی هاتبوو ته‌سبیت كرن.

هه‌ده‌پێ سه‌ید خان ل داوییا رێ ب ته‌نێ هشت

 تۆم هانكس و هه‌ڤژینا خۆ تووشی كۆرۆنایێ بوون

 تۆم هانكس و هه‌ڤژینا خۆ تووشی كۆرۆنایێ بوون

ئه‌كته‌ر و ده‌رهێنه‌رێ ب ناڤوده‌نگێ ئه‌مه‌ریكی تۆم هانكس و هه‌ڤژینا وی ریتا ویلسۆن تووشی ڤایرۆسا كۆرۆنایێ بوون، پشتی كو ل ئوسترالیا پشكنین بۆ هاتینه‌ كرن.

تۆم هانكس ل سه‌ر ئه‌كاونتێ خوه‌ یێ تویته‌ری نڤیسایه‌: «ل ئوسترالیایێ پشكنینێن ڤایرۆسا كۆرۆنا یا نوو كۆڤید-19 ژ بۆ وی و هه‌ڤژینا وی هاتینه‌ كرن و ئه‌نجام پۆزه‌تیڤ ده‌ركه‌تینه‌».

هه‌روه‌ها دیار كرییه‌، ئه‌و و هه‌ڤژینا خوه‌ ریتا ویلسۆن، ل ئوسترالیا بوون ژ بۆ وێنه‌كرنا فلمه‌كی و ده‌مێ وان هه‌ست ب تێكچوونا ره‌وشا خوه‌ كری ب تایبه‌ت بلندبوونا پله‌یێن گه‌رمایا له‌شی، پشكنین ژ بۆ هاتنه‌ كرن.

تۆم هانكس دبێژیت: «ئه‌و دێ هنده‌ك پشكنین دی كه‌ن و دێ هێنه‌ كه‌رنتینكرن ژ بۆ هه‌ر ده‌مه‌كێ پێدڤی بیت».

تۆم هانكس و هه‌ڤژینا خوه‌ ریتا ویلسۆن كو ته‌مه‌نێ وان 63 سالن، ب یه‌كه‌م ناڤدارێن هۆلیۆدێ دهێنه‌ هه‌ژمارتن كو تووشی ڤایرۆسا كۆرۆنایێ بووینه‌.

تۆم هانكس ژبۆ وێنه‌كرنا فلمه‌كی ل دۆر ژیانا ئه‌لفیس برێسلی، سه‌ره‌دانا ئوسترالیایێ كرییه‌ و وه‌ها بریاره‌ ب رۆلێ كۆلۆنێل تۆم باركه‌ر یێ رێڤه‌به‌رێ كارێن برێسلی د فلمی دا رابیت و فلم ژ به‌رهه‌مێ كۆمپانییا وارنه‌ر بارزه‌رسه‌.

 تۆم هانكس و هه‌ڤژینا خۆ تووشی كۆرۆنایێ بوون

سه‌رۆكا ئه‌كادیمیا نۆبلێ كۆچا داویێ كر

سه‌رۆكا ئه‌كادیمیا نۆبلێ كۆچا داویێ كر

سه‌رۆكا به‌رێ ئا ئه‌كادیمی ئا نۆبلێ ئا سویدی، سارا دانیۆس ب سه‌ده‌ما نه‌خوه‌شی ئا شێره‌په‌نجێ كۆچا داویێ كر.

سارا دانیۆس كو سه‌رۆكا ئه‌كادیمی ئا نۆبلێ بوو ل سالێن 2015 هه‌یا 2018ان، دوهـ رۆژا شه‌می ل ولاتێ سویدێ ب سه‌ده‌ما نه‌خوه‌شی ئا شێره‌په‌نجێ، كۆچا داویێ كر.

دانیۆس ب یه‌كه‌م ژن تێ ناسكرن كو سه‌رۆكتیا ئه‌كادیمی ئا نۆبلێ كربه‌، لێ به‌لێ ب سه‌ده‌ما وێ قه‌یرانا كو ل سالا 2018ان ل ئه‌كادیمیێ ده‌ركه‌تن هۆلێ، وێ ده‌ست ژ كار كێشابوو.

ئه‌كادیمیا نۆبلێ كو شاهـ گوستاف ئێ سێیه‌مین به‌را 200 سالان ئاڤاكربوو، ب یه‌ك ژ بلندترین سازی ئێن ئه‌ده‌بی تێ هه‌ژمارتن، خه‌لاتا نۆبلێ د وارێ ئه‌ده‌بێ ده‌ ب داهێنه‌ران د به‌خشه‌.

دی نیرۆ: ب هاتنا ترامپی ئه‌مه‌ریكا پڕ فه‌وزا بوویه‌

دی نیرۆ: ب هاتنا ترامپی ئه‌مه‌ریكا پڕ فه‌وزا بوویه‌

ستێرا ئه‌مه‌ریكی رۆبه‌رت دی نیرۆ، دۆنالد ترامپ ئێ سه‌رۆكێ ئه‌مه‌ریكایێ، ب توندی ره‌خنه‌باران كر و راگهاند كو ترامپ ئێریشی وان سازیان دكه‌ كو نه‌ ل گه‌ل به‌رژه‌وه‌ند و حه‌زێن وی ده‌نه‌.

ئه‌كته‌رێ هه‌ری ناسیار ئێ ئه‌مه‌ر‌یكی و ستێرا هۆلیوودێ رۆبه‌رت دی نیرۆ، د هه‌ڤدیتنه‌كه‌ خوه‌ ئا مه‌دیایی ده‌، نه‌رازیبوونا خوه‌ ئا هه‌ری زێده‌ ژ ره‌فتارێن دۆنالد ترامپ دیار كر و وها ئاخڤی: “ترامپ ئێریشی وان سازیێن ئه‌مه‌ریكا دكه‌ ئێن نه‌ ل گه‌ل حه‌ز و به‌رژه‌وه‌ندی ئێن وی ده‌نه‌.

دی نیرۆ ئه‌ڤ هه‌ڤدیتن دوهـ رۆژا ئه‌ینیێ 11/10/2019ان ده‌ ل فه‌ستیڤالا سینه‌مایێ كر، به‌را كو فلیما وی ئا ب ناڤێ (ئایرێشمان) وه‌ره‌ نیشاندان، تێده‌ گۆت: “ترامپ دخوازا رایا گشتی ئا ئه‌مه‌ریكا ل ده‌ربارا وان سازی و دامه‌زراوێن نه ‌ل گه‌ل به‌رژه‌وه‌ندا وی ده‌نه‌، ب ئاوایه‌كی خراب ئاڤا بكه‌، وه‌كه‌ سازیێن گرینگ ئێن ده‌وله‌تی CIA و FBI یێ.

هه‌موه‌خت دی نیرۆ ئێریشا ترامپی ل سه‌ر هه‌ژماره‌كه‌ سازی ئێن مه‌دیایی ئانی زمان و گۆت: “ئه‌مه‌ریكا ب هاتنا ترامپ بوویه‌ جیه‌كێ پر فه‌وزا”.

ستێرا ئه‌مه‌ریكی رۆبه‌رت دی نیرۆ پارتا كۆماری ژی ره‌خنه‌باران دكه‌ و دبێژه‌: “شه‌رمه‌زاریه‌كه‌ هه‌ری مه‌زنه‌ كو كۆماری نكارن چ هه‌نگاڤه‌كێ د راستا ترامپی ده‌ ب هاڤێژن”.

ئەنجلینا جۆلی و (ئەڤیندارا ئەهریمەنی)

ئەنجلینا جۆلی و (ئەڤیندارا ئەهریمەنی)

ئەنجلینا جۆلی د شەڤا دانە ناساندنا فیلمێ خوە ئێ نوو (ئەڤیندارا ئەهریمەنی) ده‌ دگەل پێنج زارۆیێن خوە ئامادە بوو.

ئەڤ ستێرا سینەمایێ د شەڤا دانە ناساندنا فیلمی ده‌ ل لۆسەنجلسێ، هەرتم دەڤ ب کەنی بوو ل همبەر كامیرەیان. وێ کراسەکە رەش ب پۆلەکان نەخشاندی لسەر ستایلێ یۆنانی ڤێرساچی ل خوە کربوو.

کراسێ وێ ئێ رەش دگەل جلێن زارۆیێن وێ باش د رەهمی. ئەو دلشاد و روو گەش دگەل دایکا خوە لسەر فەرشا سۆر هاتن دیتن.

زارۆیێن دگەل ڤێ ستێرا سینەمایێ پێک هاتبوون ژ پاکس تی یێن 15 سال، زاهارا مارلی 14 سال، شیلۆ نووێل 13 سال و جێمکێن 11 سالی ڤیۆیان مارشلین و ناکس لیۆن.

زارۆیێ دن ئێ جۆلی یێ کو د ڤێ مەراسیمێ دە نەیێ بەرهەڤ بوو، مادووکش ئێ 18 سالی بوو کو جۆلی یێ ئەو هنارت بوو زانینگەهەکە کۆریا باشوور.

جۆلی یێ د مه‌راسیما ناساندنا فیلمی دە، د دیبەیتەک تایبەت دە دگەل (مژۆلکرنا ئی شەڤ) گۆت: “زۆر شانازم ب کورێ خوە ئێ مەزن”.

ئەڤ شەش زارۆیێن ئەنجلینا جۆلی و هەڤژینێ وێ ئێ بەرێ براد پیت ستێرا هۆلیوودێ و ئه‌كته‌رێ “رۆژەکێ ژ رۆژان د هۆلیوودێ دە” نە.

ئەڤ دو هەڤژینێن گەنج پاش 2 سالان ژ هەڤژینیێ ل سالا 2016ان دە ژ هەڤدو جودا دبن، ئەو پتر ژ دەهـ سالان دگەل هەڤدو بوون.

د یەک ژ کۆنفەرانسێن راگهاندنێ دە کو بەرا مەراسیمێ هاتبوو ل دارخستن، جۆلی یێ سەبارەت وێ یەکی کو ب چ ئاوایی جار دن رۆل بینینا وێ د نەقشا “مالیفیسینت” بۆ ئەگەر هەست ب بهێزیێ بکە، گۆت: “ل سالا 2014ان دە وێ ژبۆ یەکەم جار ئەڤ کەسایەتیە وێنە گرتبوو”.

ئەڤ ئه‌كته‌ره‌ و چالاکڤانا مافێن مرۆڤان دبێژه‌: “هوون دزانن دەما پێش چەندین سالان مە لسەر ڤی كەسایەتیێ کار کری من هزر دکر کو ئەو هنەکێ هۆڤانه‌، پر لڤین، بێ شەرم و کەیف خوەشە”.

هه‌ر وها به‌رده‌وام كر: “و نها من پر تشت د ژیانا خوە دە دەرباس کرینە و ب وەرگرتنا ڤی رۆلی ئەز پر کەیف خوەش بووم کو جار دن هەست ب بهێزیێ بکم و هنەکێ کەیف خوەشێ من هەبە”.

جۆلی یێ دا خوەیا کرن کو ئەو پر ژ رۆل گێرانی وەکە “مالیفیسنت” دل خوەشە و شانازە ب هەڤروونشتنا دگەل وی دە.

سلێمانیێ فه‌ستیڤالا خوه‌ یا سینه‌مایێ ب خوه‌شیرینكرنێ بۆ په‌كه‌كێ ده‌ستپێكر

سلێمانیێ فه‌ستیڤالا خوه‌ یا سینه‌مایێ ب خوه‌شیرینكرنێ بۆ په‌كه‌كێ ده‌ستپێكر

فه‌ستیڤالا سلێمانیێ یا ناڤنه‌ته‌وه‌یی یا سینه‌مایێ، ئه‌ڤرۆ ده‌ستپێكر 134 فلم ژ 79 ولاتێن جیهانێ تێدا به‌شدارن، لێ د ئێكه‌م فلمێ فه‌ستیڤالێ دا، خوه‌شرینكرنه‌كا زێده‌ ژ بۆ په‌كه‌كێ پێڤه‌ دیار بوو.

چاره‌مین فه‌ستیڤالا نێڤده‌وله‌تی یا سینه‌مایێ ل سلێمانیێ ده‌ستپێكر و د مه‌راسیما ڤه‌كرنا فه‌ستیڤالێ دا، مه‌لا به‌ختیار سه‌رۆكێ ده‌سته‌یا كارگێریا مه‌كته‌با سیاسی یا یه‌كیتیا نشتیمانی و هه‌روها سه‌رۆكێ فه‌ستیڤالێ گۆتاره‌ك پێشكێش كر.

مه‌لا به‌ختیار گۆتارا خوه‌ وها ده‌ستپێكر: ب دلخوه‌شیا نه‌یاران و ئازاكرنا گه‌رده‌نا نه‌یارێن فه‌ستیڤالێ، فه‌ستیڤالا مه‌ گه‌هشته‌ قۆناغا چاره‌مین.

ئه‌ڤ گۆتن وه‌كه‌ ئاماژه‌یه‌كێ بوون كو كارتێكرنا ئالۆزیێن ناڤ یه‌كیتیێ گهایه‌ فه‌ستیڤالا سلێمانیێ یا سینه‌مایێ هه‌ر وه‌ك مه‌لا به‌ختیار دبێژیت: هه‌ر سال گرفته‌ك هه‌یه‌، سپاسی وان كه‌سان ژی كر كو بودجا فه‌ستیڤالێ خه‌رج نه‌كری.

فه‌ستیڤالا سلێمانیێ نیشاندانێن خوه‌ ب فلمه‌كێ ل دۆر پارتا كه‌ركه‌رێن كوردستانێ ده‌ستپێكرن كو هه‌ر چه‌نده‌ سیناریۆیا فلمی دوور راستیێ یه‌، فلمه‌كه‌ فانتازیا و خه‌یال زێده‌ پێڤه‌ دیاره‌، وه‌ها ژی دهێت خوه‌ندن كو ژبلی خوه‌شرینكرنێ ژبۆ په‌كه‌كێ، چ رامانه‌كا وێ یا دن نینه‌.

هێژا گۆتنێ یه‌، پتریا وه‌ختێ فه‌ستیڤالێ نه‌ ژبۆ نیشاندان فلمان و چالاكیێن سینه‌ماكاران هاتیه‌ رێخستن، به‌لكو ژبۆ ئاهه‌نگان، دگه‌ل وان خه‌لاتێن ره‌واجێ ئێن كو چ په‌یوه‌ندی ب كارێن سینه‌مایی ڤه‌ نه‌یی.

تابلۆیه‌كه‌ ب قاسی 6 ملیۆن یۆرۆ د لێناگه‌هه‌كێ ده‌ تێ دیتن

تابلۆیه‌كه هه‌ری كه‌ڤن و دیرۆكی كو ژبۆ پێشی 700 سالان ڤه‌دگه‌ره‌ و وه‌خته‌كا پر درێژه‌ ووندابوویه‌، د لێنانگه‌ها كاله‌ ژنه‌كه‌ فرانسایی ده‌ تێ دیتن.

ل گۆر چاڤكانیێن مه‌دیا ئێن ئه‌ورۆپایێ، تابلۆیا ب ناڤێ ‘كرایست مۆكد’ یا هونه‌رمه‌ندێ شێوه‌كار چیمابو ئێ ئیتالی وه‌خته‌كا د‌رێژه‌ ووندابوویه‌، ل ڤێ داویێ د مه‌تبه‌خا كاله‌ ژنه‌كه‌ فرانسایی ده‌ هات دیتن.

چاڤكانیان ئه‌شكه‌ره‌ كر، پشتی كو ئه‌و كاله‌ ژنه‌ وه‌غه‌را داویێ كری، ئه‌و تابلۆ د لێنانگه‌ها مالا وێ ده‌ تێ دیتن كو ل نێزی وان جیێ كو خوارن تێده‌ تێ لێنان هاتبوو دانین.

نرخا وێ تابلۆیێ ل گۆری بسپۆرێن فرانسایێ ب قاسی 6 ملیۆن یۆرۆ تێ ته‌خمین كرن، ئێریك تۆركا یه‌ك ژ وان بسپۆرانه‌ دبێژه‌: ئه‌و تابلۆ وێ ل مه‌زادێ وه‌ره‌ فرۆشتن، دیتنا وی كارێ ووندا ئێ هۆنه‌رمه‌ند چیمابو ژی ب گه‌لكی گرنگ ب ناڤ كر‌.

تێ زانین تابلۆ ئا ب ناڤێ ‘كرایست مۆكد’ ئا هونه‌رمه‌ندێ شێوه‌كار چیمابو بۆ سالا 1280ان ڤه‌دگه‌ره‌.

چیمابوی ل سالا 1240ان ل كۆمارا فلۆرینسا ژدایكبوویه‌، ب یه‌ك ژ شێوه‌كارێن پێشی چاخێ رێنیسانسێ و هونه‌را بیزانتی تێ هه‌ژمارتن، ل سالا 1302ان ده‌ وه‌غه‌را داویێ كریه‌.

خه‌لاتێن ئیمی ئێن 2019

مه‌راسیما دایینا خه‌لاتێن فه‌ستیڤالا ئیمی كو ب ئۆسكارا TV تێ ناسكرن، ل ویلایه‌تێن یه‌كبوویی ئێن ئه‌مه‌ریكایێ برێڤه‌چوون.

د مه‌راسیمێ ده‌ كو ئێن گه‌را 71ان ئا فه‌ستیڤالا ئیمیێ بوون، كه‌سێن كو خه‌لات ب ده‌ست خستن هاتن ئه‌شكه‌ره‌ كرن، مه‌راسیم ل هولا شانۆیێ ئا مایكرۆسۆفتێ ل باژارێ لۆس ئه‌نجلس برێڤه‌چوون، تێده‌ خه‌لاتا باشترین زنجیره‌ دراما ب زننجیره‌یا “Game of Thrones” هات دایین، ژبۆ رۆلا وی ئا هه‌ری باش ژی “پیتره‌ دینكلاگ” خه‌لاتا باشترین كۆمبارسێ د وارێ زنجیره‌ درامایێ ده‌ ب ده‌ست خست.

هه‌ر وها خه‌لاتا باشترین زنجیره‌ درامایا كۆمێدیایێ ب زنجیره‌یا “Fleabag” و خه‌لاتا باشترین زنجیره‌ دراما كورت ژی ب زنجیره‌یا “Chernobyl” هات دایین.

به‌شه‌كا خه‌لاتێن ئیمی ئا 2019 ب ڤی ئاوایی نه‌:

باشترین: دراما Game of Thrones

باشترین كۆمێدیاFleabag

باشترین ئه‌كته‌رێ ل درامایێ ده‌: بیللی پۆرته‌ر، “Pose”

باشترین ئه‌كته‌را ل درامایێ ده‌: جۆدی كامه‌ر، “Killing Eve”

باشترین ئه‌كته‌رێ كۆمیدیایێ: بیڵ هاده‌ر، “Barry” “Barry”

باشترین ئه‌كته‌را كۆمیدیایێ: فۆیبه‌ واڵه‌ر، “Fleabag”

باشترین كۆمبارسێ ل درامایێ ده‌: پێته‌ر دینكلاگ، “Game of Thrones”

باشترین كۆمبارسا ل درامایێ ده‌: جولیا گارنه‌ر، “Ozark”

باشترین زنجیره‌ درامای كورت  “Chernobyl”

ئه‌نوه‌ر شێخانی كۆچا داویێ كر

ئه‌نوه‌ر شێخانی، هونه‌رمه‌ندێ هه‌ری ناسیار ئێ باشوورێ كوردستانێ، ئیرۆ سبێ ب سه‌ده‌ما نه‌خوه‌شیێ كۆچا داویێ كر.

ئیرۆ رۆژا دوشه‌می، هونه‌رمه‌ندێ هه‌ری به‌رچاڤ و ناسیار ئێ باشوورێ كوردستانێ، ئه‌نوه‌ر شێخانی، كۆچا داویێ كر، پشتی كو ب مه‌به‌ستا وه‌رگرتنا چاره‌سه‌ریێ ژبۆ ده‌رڤه‌ی وه‌لات هاتبوو شاندن.

ئه‌نوه‌ر شێخانی  لده‌ما ده‌رباس بووی ده‌، د ئیزایا نه‌خوه‌شی ئا شێرپه‌نجێ ده‌ بوو، ئیرۆ ژی كۆچا داویێ كر.

ئه‌نوه‌ر شێخانی نێزی 50 سالانه‌ خه‌باته‌كه‌ هه‌ری دیار و به‌رچاڤ د وارێ هونه‌را شانۆ، دراما و سینه‌ما كوردی ده‌ كریه‌.

شێخانی كو ب هونه‌رمه‌ندێ رۆژێن سه‌خت و دژوار ئێن خه‌باتا چیای تێ ناسكرن، ل وه‌ختا خوه‌ كاری ببه‌ ده‌نگ و ره‌نگا ئه‌كرانێن گه‌ل.

ئه‌نوه‌ر شێخانی ل سالا 1951ان هاتیه‌ دنێ، ل سالا 1970ان ب ده‌ستپێكا خه‌باتا وی ئا هونه‌رێ تێ هه‌ژمارتن، وه‌ختا كو ته‌كۆشینا خوه‌ ژ تیپا پێشره‌و ئا سه‌كره‌تاریه‌تا قوتابیێن كوردستانێ ده‌ شانۆ ئا خوه‌ ئا یه‌كه‌مین ب ناڤێ سه‌ره‌تان به‌شدار كری.

پشتره‌ و ب سه‌ده‌ما كارێن رێكخستنێ ژ بۆ پارتا ده‌مۆكرات ئا كوردستانێ، ل نه‌ورۆزا سالا 1973ان ده‌، ب سووچكه‌ سیاسی هات بنچاڤكرن، ژبلی ئه‌شكه‌نجه‌ و نه‌فیكرنێ بۆ ده‌ردوورا پارێزگه‌هیا دیوانیێ ئا ئیراقێ، پشتره‌ ره‌ڤیا هه‌ولێرێ و گهیشت هێزێن ده‌شتێ، ل ناڤچه‌یا دیگه‌له‌ دبه‌ پێشمه‌رگه‌ پشتر ل ناڤچه‌یا قه‌لادزێ.

هونه‌رمه‌ندێ كۆچ كری ل سالا 1975ان ده‌ دچه‌ ئیرانێ و پشتی ڤه‌گه‌رینا وی، جار دن ژبۆ دیوانیێ تێ نه‌فیكرن، ل سالا 1976ان ده،‌ ب رێیا هلبژارتنێ بوو برێڤه‌به‌رێ هۆنه‌را كۆمه‌ل و هونه‌را ئه‌ده‌بی ل مه‌لبه‌ندا گشتی، كۆمه‌لا هونه‌رمه‌ندێن باشوورێ كوردستانێ ئا هه‌ولێر ل سه‌ر ده‌ستێ وی چێبوویه‌.

ڤێ ھەفتەیێ 10 فیلم وێ بکەڤن سینه‌مایێ

ل سالۆنێن سینەمایێ  ئێن ترکیێ ڤێ ھەفتەیێ وێ 10 فیلیم بكه‌ڤن سینه‌مایێ، 5 ژ وان ژ به‌رهه‌ما تركیێ ب خوه‌نه‌.

موبتەلابوون، ئاسلی

دەرھێنەریا فیلما “موبتەلابوون، ئاسلی” ئێ سەمیھ کاپلانۆگلو دکە و فیلم ل سەر ژیانا دایکەکێ، زارۆکێ وێ و کارێ وێ یە.

فیلما “موبتەلابوون، ئاسلی” ژ بۆ خەلاتێن ئاکادەمیێ (ئۆسكار) ئا 92ان کو ل سالا بێ وێ وەرە کرن، ل سەر ناڤێ ترکیێ ژ بۆ کاتەگۆریا “ب زمانێن بیانی فلمێ ھەری باش” نامزەد ھاتیە نیشاندان.

بەر ب ستێرکان

دەرھێنەرێ فیلما“بەر ب ستێرکان” ژامەس گرای و ئەتھان گرۆسسە و تێ ده‌ براد بێت، تۆمی لێ ژۆنەس، روتھ نەگا و لڤ تیلەر دله‌یزن.

د فیلمێ ده‌ بەھسا خەباتێن رۆی مجبریدە ئێ موھەندسێ فەزایێ تێ کرن، باڤێ رۆی مجبریدەی ژ بۆ لێکۆلینا گەلۆ ل گەر ستێرکا نەپتونە ژیان ھەیە ئا نا دچە فەزایێ و جارەکە دن ناڤەگەرە.

دایکا من

دەرھێنەرێ فیلما “دایکا من” موستافا کۆتانە و سەناریۆیا فیلمێ ئەڤرەن ئەردۆگان و ئایشە بالبەی نڤیساندنە، د فیلمێ ده‌ سومرو یاڤروجوک و ئۆزگە گورەل دله‌یزن.

فیلم بەھسا کەچکەکە کو ژ بۆ زانینگەھێ دچە ستەنبۆلێ و تێکلیا وێ و دایکا وێ دکە.

رامبۆ: خوینا داوی

دەرھێنەرێ فیلمێ “رامبۆ: خوینا داوی” ئادران گرونبەرگە و تێده‌ سیلڤەستەر ستاڵۆن دلیزە، ئەڤ فیلما 5انە کو ستاڵۆن ب رۆلا رامبۆ تێده‌ دلەیزە.

فیلما رامبۆیا ئەوا ل سالا 1982ان ده‌ کەتبوو سینه‌مایێ. چیرۆکا فیلمێ وھایە: “رامبۆ ل ئاریزۆنایێ ل چێولکا خوە دژی، نەڤیا ھەڤالەکی رامبۆ ل مەکسیکایێ تێ رەڤاندن، رامبۆ ژی ل سەر ڤێ ژ بۆ خلاسکرنا کەچکێ دەرباسی مەکسیکایێ دبە و ب چەتەیان ره‌ شەر دکە.”

ھات دیتن

دەرھێنەرێ فیلما “ھات دیتن” سەرھات کاراسلانە و تێده‌ بەرکای ئاتەش و سادەت ئشل ئاکسۆی دله‌یزن، فیلم بەھسا مەمورەکی گرتیگەھەکە ل ستەنبۆلێ و چیرۆکا وی دکە، د فیلمێ ده‌ زاکیرێ کارمەند نامەیێن مەھکوومان کۆنترۆل دکە و بالا وی وێنەیێ ژنەکێ دکشینە.

رک

دەرھێنەرێ فیلما “رک” مۆھسەن رابەیێ ئیرانیێ ناڤدارە، فیلم ل بالکەسیرێ ھاتیە کشاندن، د فیلمێ ده‌ بوگرا ئاکیوز، ھیرا کۆیونجوۆگلو، ئەسیلا ئوموت، ئەلیس سەزگن، دەریا ئۆگوز ئەرتون و راشید کھۆش ئاغیدەن دله‌یزن.

جورەیا فیلمێ ترسە و د فیلمێ دا قالا بوویەرێن تێن سەرێ کۆمەکە جیوانان تێ کرن.

سیدداھ

دەرھێنەریا فیلما “سیدداھ”ێ فوندا ترپان دکە و ب خوە ژی د فیلمێ خوە ده‌ دله‌یزە، فیلم بەھسا 4 جوانێن کو ژ ھێلا جینان ڤه‌ ھاتنە لەنەتکرن و تشتێن ھاتنە سەرێ وان دکە، د فیلمێ ده‌ کو جورەیا وێ ترسە گیزەم پۆرتاکال، بەیزا شاھین و باتن تومەن دله‌یزن.

باخچەیێ ھەیوانان

دەرھێنەرێ فیلمێ “باخچەیێ ھەیوانان” ئەڤان ترامەل و ژامەس سنیدەرن و فیلما ئانیماسیۆنە، د فیلمێ دا بەھسا بەتالکرنا ئاگربەستا د ناڤبەرا ھەیوانان ده‌ و چیرۆکا وان تێ کرن.

ھەڤالێن بەختەواریێن چێولکێ

دەرھێنەرێ فیلما “ھەڤالێن بەختەواریێن چێولکێ” پیپا سەیموورەیە و فیلما ئانیماسیۆنە، د فیلمێ ده‌ بەھسا کۆمەکە ھەیوانێن بەختەواریێن کو ل چێولکەکێ دژین تێ کرن..