ل رهایێ دو پۆلیس هاتن کوشتن

ل ناڤچەیا خەلیلیێ یا سەر ب پارێزگەها رهایێ یا باکورێ کوردستانێ ڤە، 2 پۆلیس هاتن کوشتن، پشتی كو هنه‌ك چه‌كدارێن نه‌ناس كری گوللـه‌ به‌رداینه‌ وان.

پارێزگەرییا رهایێ راگه‌هاند، تیمەکا پۆلیسێن به‌شا قاچاخچێتیێ و تاوانێن رێکخستی یا رێڤەبەرییا ئەولەکارییا رهایێ، دەما كو ل ناڤچەیا خەڵیلیێ ئۆتۆمبیلەک پشكنین دكر، تەقە ل وان هات کرن و دو پۆلیس بریندار بوون.

هەردو پۆلیسێن بریندار بۆ دو نەخوەشخانەیێن جودا یێن باژێر هاتن ڤەگوهاستن، لێ د سه‌ر هەموو هەولدانێن پزیشکان هەردو پۆلیسان گیانێ خوە ژ دەست دان.

هێزێن ئەمنی ژ بۆ دەستەسەرکرنا هێرشكاران کەتن تەڤگەرێ و پۆلیس و هێزێن ئەولەهیێ دەربارێ بوویەرێ دا لێکۆلین دەستپێکرن.