ژ 1ێ نیسانێ و هێرڤە نووچەیێن ل سەر ئێریشێن بالافرێن بێ فرۆکەڤان یێن ترکیا ل سەر رۆژئاڤا کوردستانێ تێنە وەشاندن. لێ د نووچەیان دا ئالیێن هەڤدژ ھاتنە دەستنیشانکرن.

هەڤدژی د نووچەیێن دەربارێ فەرماندارێ سوریانی دا

ل گۆری نووچەیا کو دوهـی کەتیە دەستێ مەدیایێ دا، فەرماندارێ سووریانی ژیانا خوە ژ دەست دایە.

بالافرێن بێ فرۆکەڤان یێن ترکیێ ترۆمبێلا یەک ژ فەرماندارێن ھێزێن سووریەیا دەمۆکراتیک (ھەسەدێ) ھەدەف گرت؛ د ئێریشێ دا 2 کەس بریندار بوون.

ل گۆری داخویانیا ناڤەندا راگھاندنا «ھەسەدێ»، بالافرێن بێ فرۆکەڤان یێن ترکیێ دوھی ل «تل تەمرێ» ترۆمبێلا «ئۆرۆم مارۆکی»، یەک ژ فەرماندارێن سوریانی یێن «ھەسەدێ» کرنە ئارمانج.

ل گۆری داخویانیا ناڤەندا چاپەمەنیێ، د ئەنجاما ئێریشێ دا فەرماندارێ «ھەسدێ» «ئۆرۆم مارۆکی» و وەرگێرێ لگەلدا بریندار بوونە.

ل گۆری داخویانیا ناڤەندا راگھاندنێ یا «ھەسەدێ»، “ئۆرۆم مارۆکی لگەل ھێزێن رووسی بوو و دەما ئەو ل جەم وان زڤری و بەر ب ناڤەندا کارەبایا «تل تەمرێ» ڤە دچوو ئێریش هاتیە ئەنجامدان”.

ھێژایی گۆتنێیە کو «ھەسەدێ» د داخویانیا خوە دا ب تایبەتی تەکەزی ل سەر رووسیایێ کریە. مژارەکا دی یا بالکێش ژی ئەو بوو کو مەدیایا «پەکەکێ» ب تایبەت ئاژانسا «ھاوارنیوز» کو ل رۆژئاڤایێ کوردستانێ وەشانێ دکەت، دەربارێ بوویەرێ دا چ نووچەیەک پارڤە نەکر. چاپەمەنیا پەکەکێ دەربارێ فەرماندارێ ئاسووری یێ کو هاتبوو ئارمانجکرن دا زانیاری نەدان. چالاکی تەنێ ل سەر مالپەرا سووریەیا دەمۆکراتیک ھاتە راگھاندن. د داخویانیێ دا دەمژمێر و وێنە نەھاتنە بکارئانین. بوویەر نەزەلال ما. ھەر وەھا بەحسا چ جەنازەیان نەھاتە کرن.

دۆزا برینا فەرھاد مەردە

بەری نھا ھێزێن ئەولەکاریا ناڤخوە یێن رۆژئاڤا (ئاسایشێ) راگھاندبوو کو ل گوندێ «ھاسودە» یێ باژارۆکێ «تربەسپیێ» یێ «حەسەکێ» ترۆمبێلەک ھاتیە ئارمانجکرن.

بەرپرسێ راگھاندنێ یێ ھێزێن سووریەیا دەمۆکراتیک (قەسەدێ) «فەرھات شامی» ل سەر حەسابا خوەیا تویتتەرێ داخویانیەک دا و گۆت، “د ئەنجاما ئێریشا فرۆکەیێن بێ فرۆکەڤان کو ئیرۆ پشتی نیڤرۆ ل دژی ترۆمبێلەکا ھێزێن ئەرکا خوەپاراستنێ هاتبوو ئەنجامدان، ھەڤرێیێ مە «درار جومعا»، شەھید کەت، دو ھەڤالێن مە ژی د ناڤ دا ھەلبەستڤانێ ناڤدار «فەرھاد مەردە» ژی بریندار بوون”.

لێ ناسنامەیا «درار جومعا» نەھات دیارکرن. ھەر وەھا خسارەکا مەزن ل ترۆمبێلا لێخستی یا کو د وێنەیان دا خویا بوو ژی ھات دیتن. دگەل ڤێ یەکێ د دیمەنێن ڤیدیۆیی یێن «فەرھاد مەردە» دا کو ژ ئالیێ مەدیایا پەکەکێ ڤە هاتن وەشاندن دا ووسا خوەیا نەبوو کو ئەو ژ ترۆمبێلەکا وەھا رزگار بوویە. مەدیایا رۆژئاڤا راگھاند کو «فەرھاد مەردە» د ڤێ ترۆمبێلێ دا بریندار نەبوویە، لێ ئەڤ نووچەیە ژ بۆ دەستڤەئینانا ھەڤخەمیا گەل ژ بۆ «فەرھاد مەردە» ھاتیە لدارخستن.

فەرماندارەکێ پایەبلند هاتیە ئارمانجکرن؟

ھەروەھا چاڤکانیێن ھەرێمی ژ رۆژئاڤا دیار دکەن کو دبیت د بوویەرێ دا فەرماندارەکێ پایەبلند ژیانا خوە ژ دەست دابیت، ژ بەر کو ئاوایێ راگھاندنا نووچەیێ د دو رۆژێن داوی دا بوویە سەدەما گومانان. چاڤکانی ووسا دفکرن کو ب ئیحتیمالەکا مەزن فەرماندارەکێ باکورێ کوردستانێ مریە و یەپەگە ژ بۆ کو بوویەرێ ڤەشێریت ھەر دو بوویەر ژی ب تەمامی ئاشکەرا نەکرینە.

دهێتە زانین کو بەری نھا ھێزێن پەیەدێ و یەپەگێ یێن سەر ب پەکەکێ ڤە ئەڤ یەک ڤەشارتبوو کو گەلەک چەکدارێن باکور و رۆژھلاتی ل رۆژئاڤایێ کوردستانێ ژیانا خوە ژ دەست دانە.