پەکەکێ ناسنامەیێن 5 چەکدارێن خوە یێن ژ رۆژھلاتێ کوردستانێ ئەشکەرە کرن

پەکەکێ ناسنامەیێن 5 چەکدارێن خوە یێن ژ رۆژھلاتێ کوردستانێ ئەشکەرە کرن

ھێزێن پاراستنا گەل (ھەپەگێ) بالێ چەکداری یێ پەکەکەیا هلوەشیایی، ناسنامەیێن 5 ئەندامێن خوەیێن ژ رۆژھلاتێ کوردستانێ ئەشکەرە کرن کو د سالێن جودا دە ل باشوور، باکور و رۆژھلاتێ کوردستانێ جانێ خوە ژ دەست دانە.

ل گۆری داخویانیا کو ئیرۆ ھاتیە بەلاڤکرن، ل گەل ئاگاھیێن کەسانە یێن ڤان 5 ئەندامان، دیرۆکێن تەڤلیبوونا وان و جھ و دەمێن ژیانژدەستدانا وان ژی ب رایا گشتی رە ھاتنە پارڤەکرن. ئەڤ ئەشکەرەکرن د دەمەکێ دە تێ کو پارتیا کارکەرێن کوردستانێ (پەکەکێ) ل گۆری بریارا کۆنگرەیا خوە یا گولانا 2025ێ، خوە هلوەشاندن و دانینا چەکان راگھاندبوو.

ئاگاھیێن ناسنامەیا وان 5 ئەندامان ل گۆری داخویانیێ وھا نە:

چالاک جوانرۆ (فەرید شەریفی): ل جوانرۆیێ ژ داییک بوویە و رۆژا 7ی چریا پاشین یا 2018ێ ل باکورێ کوردستانێ جانێ خوە ژ دەست دایە.

سمکۆ دالاھۆ (بەھروز وەیسی): ل کرماشانێ ژ داییک بوویە و رۆژا 25ێ گولانا 2017ێ ل رۆژھلاتێ کوردستانێ جانێ خوە ژ دەست دایە.

ماسیرۆ دالاھۆ (ئیحسان سادقپوور): ل سەرپۆلێ ژ داییک بوویە و رۆژا 28ی گولانا 2020ێ ل باکورێ کوردستانێ جانێ خوە ژ دەست دایە.

مێرخاس شاھۆ (مەھدی محەمەدی): ل جوانرۆیێ ژ داییک بوویە و رۆژا 12ێ تەباخا 2022یێ ل باکورێ کوردستانێ جانێ خوە ژ دەست دایە.

رزگار پەژمین (عەلی رزا محەمەدزادە): ل ئیلامێ ژ داییک بوویە و رۆژا 10ێ ئیلۆنا 2020ێ ل باشوورێ کوردستانێ جانێ خوە ژ دەست دایە.