پشتی 19 سالان ژ ڤەشارتنێ، مرنا ڤان جوانان ژ نوو ڤه‌ ئاشكه‌ره‌ بوو!

PKK-8-Rojhilat-net

په‌كه‌كه‌یا هلوه‌شیایی گه‌را شه‌شه‌مین یا ناڤێن گه‌ریلایێن رۆژهلاتا كوردستانێ ئاشكه‌ره‌ كر، یێن كو 20 سالان به‌رێ هاتنه‌ كوشتنێ و په‌كه‌كێ مرنا وان ڤه‌شارتی هشتی.

ئیرۆ رۆژا پێنجشه‌می 19 مژدارا 2026ان، په‌كه‌كێ ناسنامه‌یا 8 جوانێن دن یێن سه‌لماسێ ئاشكه‌ره‌ كرن كو ئه‌و ژی 19 سالان به‌رێ جانێ خوه‌ ژ ده‌ست دا نه‌ و په‌كه‌كێ مرنا وان ڤه‌شارتی هشتبوو.

ئه‌ڤ جوان د ناڤبه‌را سالێن 2007 و 2019ێ ل هه‌رێمێن خاكوركێ، زاپێ، ئاڤاشینێ و قه‌ندیلێ كه‌تنه‌ به‌ر ئێریشێن ده‌وله‌تا ترك و جانێ خوه‌ ژ ده‌ست دا نه‌.

ناڤێن وان ووسایه‌:

ره‌حیم مووسا.

ته‌وحید عه‌لی.

ئیلیاس نووره‌ددین.

حسێن شه‌مسه‌ددین.

حسێن مسته‌فا.

سوهراب حه‌سه‌ن.

نیگین به‌جان.

عومران سلێمان.

په‌كه‌كێ ناسنامه‌یا ڤان جوانان ئیلان كر و د په‌سنێ وان ده‌ گۆتییه‌ ئه‌و ملیتانێن مه‌ یێن ئاپۆیی بوون، خوه‌ فه‌دایێ ئاپۆ كرن.

ئه‌ڤ گه‌را شه‌شه‌مین یا ناسنامه‌یێن شه‌رڤانێن رۆژهلاتا كوردستانێ یه‌ كو په‌كه‌كه‌یا هلوه‌شیایی ژ هه‌فته‌یا رابووری ڤه‌ ئیفشا دكه‌ كو هنه‌ك ژێ یێن سالا 2007ێ نه‌.

موراد قارایلان رێڤه‌به‌رێ په‌كه‌كێ ده‌ربارێ ده‌ره‌نگ ئیلانكرنا ناڤێن شه‌هیدان گۆتبوو: ئاگاهی ده‌ره‌نگ گهیشتن مه‌، شه‌ر گران بوو، هایا مه‌ نه‌بوو كو هه‌ڤالێن مه‌ وه‌ندانه‌!!.