ھەڤبەندی: دڤێ ھەڤالێن مە یەکسەر بێن ئازادکرن

Hevbendi-2-info

مەجلیسا ھەڤپەیمانیا نەتەوەیی یا کوردستانێ (ھەڤبەندی) ل ھەمبەری ئۆپەراسیۆنێن بنچاڤکرنێ یێن ل دژی ئەندام و رێڤەبرێن خوە یێن کو ل 6 باژاران، نەرازیبوون نیشان دا و داخوازا ئازادکرنا وان کر.

د داخویانیا ھەڤبەندیێ دە تێ گۆتن کو د ئۆپەراسیۆنێن ل دیاربەکر، رھا، باتمان، ئیدر، ئەنقەرە و ستەنبۆلێ دە 14 ھەڤالێن وان ھاتنە بنچاڤکرن. د ناڤا بنچاڤکریان دە سەرۆکێ گشتی یێ په‌سه‌كێ بایرام بۆزیەل، جیگرێ سەرۆکێ گشتی یێ پارتییا وه‌لاتپارێزێن كوردستانێ مەھمەت جان ئازبای و گەلەک نوونەرێن پارتیێن سیاسی ھەنە.

ھەڤبەندی، راگھاند کو کۆنفەرانسا دامەزراندنێ یا 9ێ مژدارێ ل دیاربەکرێ ھاتیە لدارخستن، ژ بۆ رایا گشتی ڤەکری بوو و ب دزی نەھاتیە کرن.

مەجلیسا ھەڤبەندیێ، دەستنیشان کر ئێریشێن ل سەر مالان نایێن پەژراندن و راگھاند، دڤێ کەسێن ھاتنە بنچاڤکرن یەکسەر بێن ئازادکرن.

د داخویانیێ دە ھەروه‌ھا ھات گۆتن کو وێ خوەدی ل بریارێن د کۆنفەرانسا ھەڤبەندیێ دە ھاتنە پەژراندن بکن و ل سەر بەرنامە و ھقووقا ناڤخوە بەردەوام بن.