سەرۆک مەسعوود بارزانی ئیرۆ شەمیێ (21.11.2026) پێشوازی ل سەرۆکێ دەستەیا حەشدا شەعبی فالح فەیاز کر و د جڤینێ دە تەکەزی ل سەر چارەسەرکرنا پرسگرێکێن د ناڤبەرا ھەرێما کوردستانێ و حکوومەتا فەدەرالا ئیراقێ دە د چارچۆڤەیا دەستوورێ دە ھاتە کرن.
ل گۆری داخویانیا بارەگەھا بارزانی، د ھەڤدیتنێ دە رەوشا سیاسی یا گشتی و پێشھاتێن داوی یێن ل ئیراق و ھەرێمێ ھاتن گۆتووبێژکرن. ھەر وھا پەیوەندیێن د ناڤبەرا حکوومەتا ھەرێما کوردستانێ و حکوومەتا فەدەرالا ئیراقێ دە مژارەکا دن یا سەرەکی یا جڤینێ بوون.
د داخویانیێ دە ھات دەستنیشانکرن کو ھەر دو ئالی ھەڤنێرین بوون کو پرسگرێک و ئاریشەیێن د ناڤبەرا ھەرێما کوردستانێ و ئیراقێ یا فەدەرال دە دکارن د چارچۆڤەیا دەستوورێ دە وەرن چارەسەرکرن، و پێویستە دەستوور ببە پیڤان و بنگەھا سەرەکی ژ بۆ دەرباسکرن و نەھیشتنا ناکۆکیێن ناڤبەرا ھەر دو ئالیان دە.