كیژان مرۆڤ دبن هونهرمهند؟ مۆتیڤهیتا كو مرۆڤان بهر ب هونهرێ ڤه دبه چیه؟ هونهرا مووزیكێ چقاس ب نازكیا مرۆڤان ڤه گرێدایی یه؟ سازیێن ئهولههییا نهتهوی ت گریدانا وان ب هونهرێ ڤه ههیه؟
بهرسڤا ڤان پرسان و هن پرسێن دن دبن سهدهم كو بهشهكی مرۆڤێن كورد بكهڤن د ڤێ دوالیزمێ ده.
قهی حهزا خوه یا كهسی بهر ب گهشبوونێ ڤه ببن یان پێویستیا جڤاكێ و نهتهوهیێ بهر ب ئازادیێ ببن ؟
هنهك ژ وان مرۆڤان بریارا ههڤسهنگ دگرن كو ههم كارێ خوه یێ هونهرێ ژى ئهنجام بدن و ههم ژی ئهركا ل سهر مللێ خوه وهكه كورد كو گهل و ولاتى رزگار بكن.
ئهڤ دو ئالیزمه دبن سهدهم كو مرۆڤ راستی شهرهكی دهروونى ببن و د نێڤبهرا ههردو ئالیان ده بكهڤن دهردێ بهلایێ.
هونهرمهند، پیشمهرگه و كوردپهروهر (محمد میرزا) یێك ژ وان كهسان بوو.
ژ ئهنجاما داگیركرنا كوردستانێ، مهژیكێ وى ب فكرا نهتهوی هاتبوو ئاڤدان و رزگاربوونا كوردستانێ ب ئهركا خوه یا سهرهكه حهساب دكر، ئهڤ فكر بوو سهدهم كو شههید محهمهد میرزا ههموو رهنگێن بهرخوهدانێ ژ بۆ رزگاربوونا گهل و ولات ژیان بكه، ههیا سالا 1991ان و رزگاربوونا باشورێ وهلات ژ دهستێ رهژیما بهعس.
د دهما تێكۆشینا خوه یا پێشمهرگاتیێ ده چهندین جاران بریندار كهتبوو و ژ مرنێ فهلتی بوو و مالباتا وى ههموو رهنگێن نهخوهشی و زهحمهتییان دیتنه ژ زیندانكرن و تهپهسهریێ ههر وها ههژارى، ترس و برس، یان ژیان ژدهست دان به ، لێبهلێ ڤى لههنگی یێك رۆژ ژى خوه ژ بۆ خواستهكێن دژمن نهتهواند، بهلكو مینا شێرهكی سهربلند ل بهر خوه دا و تێكۆشین كر ههیا كو چاڤێن خوه ب ئازادبوونا باشورێ كوردستانێ شاد كرین.
پشتى سالا 1991ان ئهركا پاراستنا ناڤخوه ل دهڤهرا زاخۆ بوو پارا محهمهد میرزا، وی ب لههنگی و لێزانی ل بهر پیلانێن ژههراوی یێن رهژیما بهعس تێكۆشین كر.
ڤى قههرهمانی ل وێ دهمێ كاریبوو ب دو ئارستهیان خهباتێ بكه، ئارستهیا یهكێ ئهو ل همبهری پیلانێن ژهری یێن دژمن وهكه دووپشكی به و ل ئالیێ دن ژ بۆی گهلێ كوردستانێ ب تایبهت زاخۆ و چینا هونهرمهند و نڤیسكاران وهكه مهلههما سهر برینان به، ئهڤ لهههنگ مینا پاسهوانهكی تایبهت یێ هونهرمهندان بوو.
قوناغا داویێ یا ڤى لههنگی بهر ب جیهانا سۆفیگهریێ چوو، ئهڤ كهس ژمالبهتهكه بورجواز بوو، لێ ژیانا وى ژیانهك سۆفیگهرى بوو، ژبهر ڤێ سهدهمێ بهر ب خوزایێ ڤه چوو و دهستهكی وى د سازێ ده بوو و دهستێ دن خهباتێن چاندنیێ ل ناڤا زهڤیا خوه دكر. ههموو شهڤان ل ناڤا بیستان سهمفۆنیا دهنگان دهات ژهنین و ههڤركیهكا هارمۆنیك د نێڤبهرا دهنگێ سازێ و گازیێن چویچكان و دهنگێ باى و بارۆڤێ و شڕشڕا ئاڤا چهم و سترینا سترانبێژێن زاخۆكا بریندار دهردكهت هۆلێ.
جڤاتا ڤى لههنگی تهنێ یا بهخشینا جوانی، ڤین، دلسۆزی و ب ههڤره كاركرنێ بوو، سترانێن وی یێن شهڤان ل سهر پێشمهرگهى، گهریلا، ئامهد، مههاباد و قامشلۆ ههر وها ههولێر و زاخۆ و تهڤ باژارێن كوردستانێ بوون.
