p.language-links a { text-decoration: none; color: black; background-color: #e0e0e0; /* default gray */ padding: 4px 8px; border-radius: 0px; font-size: 13px; transition: background-color 0.3s; } p.language-links a:hover { background-color: #ca0000; color: white; } p.language-links a.active { background-color: #ca0000; /* active URL */ color: white; }
بەرپرسەکی پەکەکێ ل سلێمانیێ ژ ئالیێ میتێ ڤە ھات کوشتن
سازیا ئیستخباراتا میلی یا ترکیێ (میت)ێ راگەھاند، بەرپرسێ ئاکادەمیا شیلان گۆیی یا پەکەکێ/کەجەکێ “ئەردینچ بۆلجال” یێ وەک عەلی خەبات تێ ناسکرن، ل سلێمانیێ ب ئۆپەراسیۆنەکا نۆقتەیی ھاتیە کوشتن.
ل گۆر چاپەمەنیا ترکیێ “ئەردینچ بۆلجال” ل ھەرێما کوردستانێ، ژ بۆ چالاکیێن چەکدارێن پەکەکێ یێن ل ھەمبەر ھێزێن ئەولەھیا ترکیێ کارێ پەروەردەیێن لەشکەری و ئایدۆلۆژیکی ئەنجام ددا.
ھەروەھا ل گۆر ھەمان چاڤکانیێ “ئەردینچ بۆلجال” یێ وەک عەلی خەبات تێ ناسکرن، بەرپرسێ ئاکادەمیا پەکەکێ/کەجەکێ یێ ل ھەرێما سلێمانی – کەرکووکێ بوویە و ژ بۆ چالاکیێن ل باژارێن مەزن یێن وەک ستەنبۆل و ئیزمیرێ ئەندامێن پەکەکێ ژ ئالیێ ئایدۆلۆژیکی و لەشکەری ڤە پەروەردە دکر و ژ بۆ ئەندامان بەشداری رێخستنێ بکە کارێ پرۆپاگاندایێ دکر.
ھات راگەھاندن ئەردینچ بۆلجال پشتی دەرباسی ھەرێما کوردستانێ بوویە وەک بەرپرس کارێن چەکداری برێڤە برنە و ل سلێمانی و کەرکووکێ بەرپرسێ یەکینەیێن لەشکەری یێ تابوورێ بوویە و پشترە ژی بوویە بەرپرسێ ئاکادەمیا پەروەردێ.
ل گۆر ھەمان چاڤکانیێن چاپەمەنیا ترکیێ پشتی کو ژ ئالیێ میتێ ڤە ھاتیە دەستنیشان کرن ئەردینچ بۆلجال ل ھەمبەر ھەبوونا دەولەتا ترکیێ یا ل کەرکووکێ د ناڤ ئامادەکاریا چالاکیێن چەکداری دەیە، ب ئۆپەراسیۆنەکا نۆقتەیی ڤە، ئەردینچ بۆلجال و کەسێن ل گەل وی ھاتن کوشتن.
