شەر و پەڤچوونێن د ناڤبەرا ھەسەدێ و ھێزێن سەر ب رەژیما سووریێ ل دیرەزۆرێ بەردەوامن

ئیرۆ 12/8/2024 ل دێرەزۆرێ جارەکە دن شەر و پەڤچوون د ناڤبەرا ھەسەدێ و ھێزێن سەر ب رەژیما سووریێ پێکھات.

چاپەمەنیا سووریێ بەلاڤ کر کو جارەکا دن شەر د ناڤبەرا ھێزێن سووریا دەمۆکرات (ھەسەدێ) و ھێزێن سەر ب رەژیما سووریێ ل دەردۆرا دێرەزۆرێ نێزیک چەمێ فراتێ دەرکەت و شەر و پەڤچوونێن ل ناڤچەیێ بەردەوام دکە.

ھەروەھا ھات ئاشکەرا کرن، ئەو شەر پشتی وێ یەکێ تێ کو ھەسەدێ بەری نھا راگەھاندبوو د شەرێ ل گەل ھێزێن رەژیما سووریێ دە 25 چەکدارێن رەژیمێ ل دەردۆرا دێرەزۆرێ ھاتنە کوشتن.

چالاکڤانێن سووریێ دیار دکن کو دەرەنگێ شەڤا بۆری ژ بەر شەرێ ناڤبەرا ھەسەدێ و ھێزێن رەژیما سووریێ خەلکەکی زێدە ل ناڤچەیێن دەردۆرا دێرەزۆرێ کۆچبەر بوونە.