مەزلووم عهبدی: تهڤاهییا دهزگههێن رێڤهبهرییا خوهسهر دێ ل سهر ئهركێن خوه بهردهوام بن
فەرماندارێ گشتییێ ههسهدێ راگهاند کو، ل گۆری پەیمانا نوو یا ب حکوومەتا دەمکی رە، دەزگەهێن رێڤەبەرییا خوەسەر دێ د چارچۆڤەیا دەزگەهێن دەولەتێ دە بێن تەڤلهەڤکرن و گوهەرتنێن پێکهاتەیی دێ تێ دە بێن کرن. ئاوارەیێن عەفرین و سەرێکانیێ ژی پشتراست کرن کو، مافێن وان دێ پاراستی بن.
مازلووم عهبدی د جڤینەکا بەرفرەهـ دە ب خەلکێ حەسەکەیێ و ئاوارەیێن دەڤەرێن سەرێکانیێ و عەفرینێ رە هوورگولیێن پەیمانا 29ێ چلەیا 2026ێ یا ب حکوومەتا سووریەیێ یا دەمکی رە نیقاش کرن.
مەزلووم عهبدی رۆن ژی کر کو، هەمی دەزگەهێن کو نها گرێدایی رێڤەبەریا خوەسەرن دێ ل سەر کارێن خوە بەردەوام بن، لێ دێ د چارچۆڤەیا پێڤاژۆیەکێ دە ب دەزگەهێن دەولەتێ رە بێن تەلهەڤکرن.
ل گۆری وێ پەیامنێ، ئەو وەزارەت و دەستەیێن کو نها هەنە پلەیا وان دێ ژ بۆ ئاستا برێڤەبریێ بێن گوهەرتن و دێ بێن رێکخستن.
فەرماندارێ گشتییێ ههسهدێ د دەرهەقا دەریێن سینۆری دە ژی ئاماژە دا کو، دەریێ سێمالکا دێ وەکی خوە بمینە، لێ نڤیسینگەهەکا گرێدایی حکوومەتا دەمکی دێ لێ بێ ڤەکرن دا کو سەرپەرشتیا کاروبارێن وی دەرییی بکە.
مەزلووم عهبدی د دەرهەقا ئالیێ لەشکەری دە ژی ئەشکەرە کر کو، وەکی پێنگاڤا یەکێ لیوایەکا لەشکەری یا ههسهدێ دێ ل باژارێ حەسەکەیێ بێ بنەجهکرن و هێزێن دن ژی دێ ل گۆری پلانێن نوو ل دەڤەرێن دن بێن بەلاڤکرن، ئەڤ ژی وەکی پارەکا وێ پەیمانێ ژ بۆ رێکخستنا رەوشا ئەولەهیێ یا دەڤەرێ.
لهەڤکرنا 29ێ چلەیا 2026ێ یا د ناڤبەرا هێزێن سووریەیا دەمۆکراتیک و حکوومەتا سووریەیێ یا دەمکی دە وەکی وەرچەرخانەکا دیرۆکی د کریزا سووریەیێ دە تێ دیتن.
ئەڤ پەیمان پشتی چەند سالان ژ هەڤرکی و شەرێن دژوار چێ بوو و ئارمانجا سەرەکە یەککرنا برێڤەبریێن ناڤخوەیی و پێشیگرتنا ل زێدەتر پارڤەبوونا ئاخا سووریەیێ یە.
بجیهانینا ڤێ پەیمانێ ل سەر ئەردێ، ب تایبەتی ل دەڤەرێن کو دوبەرەکی ل سەر هەیە وەکی حەسەکە و عەفرینێ، رووبروویی قەبخوازیێن مەزن دبە، لێ ئالی ب رەنگەکێ ئەرێنی تەماشەیی پێنگاڤێن تەناکرنا دەڤەرێ دکن.
