شۆرهشێن دیرۆکی یێن جیھانێ و شۆرهشا پهكهكێ !!
سهبری ئۆك رێڤهبهرێ پهكهكێ د یێك ژ گۆتنێن خوه ده دبێژه كو ههموو شۆرهش و ئهزموونێن دیرۆكی یێن جیهانێ ب ههڤره ناگهیژن نیڤا ئهزموونا پهكهكێ!.
راستی ئەڤە کو ئەڤ گۆتن راستە… ھەگەر مەبەستا وی ئهزموونێن وێرانکرن و کارەساتێن ل سەر کورد و کوردستانێ بە.
ژ بەر کو تشتێ پهكهكێ د ناڤا 45 سالان دە پێشکێش کریە ئەڤە:
ئهزموونا ھەری مەزن یا ژ دەستدانا دهرفهتێن نەتەوەیی.
ئهزموونا ھەری مەزن یا ڤەگوھەراندنا ئەنەرژیا گەلەکی بۆ خوەلیێ.
ئهزموونا ھەری مەزن یا کوشتنا کوردان ب دەستێ کوردان.
ئهزموونا ھەری مەزن یا خزمەتکرنا رەژیمێن ھەرێمی بێیی رزگارکرنا گوندەکی تەنێ.
ئەرێ… ب راستی ئهزموونەکە “بێھەمپا”یە، لێ د وێرانکرنێ دە بێھەمپایە نە د رزگارکرنێ دە.
چاوا ب ئهزموونەکە وسا سەربلند دبن کو:
گوندەکی کوردان تەنێ ژی رزگار نەکری یە.
مافێ ئۆتۆنۆمیێ ب دەست نەخستیە.
ناسنامەیەکە نهتهوی ب دەست نەخستیە.
یێك سازییا نەتەوەیی ئاڤا نەکرییە.
گەل ژ کۆچبەریێ نەپاراستیە.
کۆمکوژی رانهوهستانده.
رێ ل بەر داگیرکەریەکێ نەگریە.
بەرۆڤاژی وێ:
رۆژئاڤا وێران کر.
شەرێ پێشمەرگە کر.
رێزا کوردان پارچە کر.
بریارا کوردان رادەستی قەندیلێ کر.
ل دژی ھەرێما كوردستانێ، ب حهشدا شهعبی رە ھەڤکاری کر.
د سالا 2017ان دە ل دژی سەرخوەبوونا کوردستانێ سەکنی.
ل شوونا رزگارکرنێ، بانگا “ئەنتەگراسیۆنا” ب ترکیەیێ رە کر.
ئەڤ نە «ئهزموونێن شۆرەشگەری» نە… ئەڤ ئهزموونێن تراژیدیکن کو تەنێ گەلێ کورد بەدەلا وێ دایە.
یا عەجێبتر ئەوە کو پێ سەربلند دبن!
سەربلند دبن:
ب وان خوینێن کو ھاتن رژاندن.
ب وان باژارێن کو ھاتن رووخاندن.
ب وان جوانێن کو ھاتن ونداکرن.
ب وان دهرفهتێن کو ھاتن کوشتن.
و ب وێ یەکێ کو ھەتا گوندەکی تەنێ ژی رزگار نەکرنە.
ئەڤ چ ئهزموونە کو ب ھەژمارا گۆرستانان تێ پیڤاندن، نە ب ھەژمارا دەستکەفتیان؟
ئەڤ چ ئهزموونە کو ب ھەژمارا پەرچەبوون و دوبەندیان تێ پیڤاندن، نە ب ھەژمارا سازیان؟
ئەڤ چ ئهزموونە کو ب ھەژمارا شەرێن ناڤخوەیی تێ پیڤاندن، نە ب ھەژمارا سەرکەفتنێن نەتەوەیی؟
ب کورتاسی:
ئهزموونێن پهكهكێ نیڤ سەدساله ژ کارەساتان… نە نیڤ سەدسال ژ رزگارکرنێ یه.
