پەكەكە د ناڤبهرا چهكدانینا سهمبۆلیك و راستیا مهیدانی دا
تهڤی كو پهكهكێ خوه هلوهشاندیه و چهك ئاڤێتنه، لێبهلێ هێژ چالاكه، ژ سهرجهما 100 شكهفت و تۆنێلان 30 ڤالاكرنه و 70 د بن كۆنترۆلا وێ ده نه. ئالیێ ترک تەکەز دکە کو ھەتا نھا تو گاڤێن پراكتیکی و گشتگیر ژ بۆ چەکدانینا پهكهكێ نەھاتنە دیتن
هێژ چ گاڤێن پراكتیكی بۆ چهكدانینێ نههاتنه ئاڤێتن
ل گۆری وان ئاگاھیێن کو د مەدیایێن ترکیەیێ دە و ب تایبەتی د رۆژنامەیا “حوریهت” دە ھاتنە بەلاڤکرن، ئالیێ ترک تەکەز دکە کو ھەتا نھا تو گاڤێن پراكتیکی و گشتگیر ژ بۆ چەکدانینا پهكهكێ نەھاتنە دیتن. مەدیا ئاماژە ب وێ دکە کو وان گاڤێن ھەتا نھا ھاتنە ئاڤێتن، زێدەتر خوەدی “رەنگێ سەمبۆلیک” بوونە و نەگھیشتنە ئاستا چەکدانینا تەمامی یان ژی بداویکرنا ھەبوونا چەکداری ل ناڤچەیێن چیایی.
ژ سهرجهما 100 شكهفتنان، 30 ڤالاكرنه و 70 هێژ د بن كۆنترۆلا وێ ده نه
ههروهها هات راگهاندن كو ژ سهرجهما 100 شكهفت و تۆنێلان، پهكهكێ 30 ڤالاكرنه و 70 شكهفت هێژان د بن كۆنترۆلا رێخستنێ ده نه.
د رۆژنامهیا “حوریهت” ده هاتییه كو رێخستنا ئیستخباراتا نهتهوهیی یا تركیهیێ و هێزێن وێ یێن چهكدار دێ تهسبیت بكن كو پهكهكێ چەکێن خوە دانینە، و ئەڤ دێ وەره پشتراست کرن، پشتی ڤێ یەکێ دێ گاڤ ژ بۆ ڤەگەرا ئەندامێن رێخستنێ ب رێیا رێزکنامەیێن قانوونی وەرن ئاڤێتن.
رۆژنامهیێ ههروهها نڤیساندییه: لێبەلێ، ھەتا نھا، چ پشتراستکرنەک تونەیە کو ئەندامێن پهكهكێ چەکێن خوە دانینە؛ بەرەڤاژی ڤێ، چالاکیێن رێخستنا پهكهكێ بالکێشن.
ل سەر ئەردێ چ پێشڤەچوونەک نوو یا گرینگ چێنەبوویە
د ڤێ دهربارێ ده ژی سەرۆکێ میتێ ئیبراھیم كالن، جڤینا داوی دە ژ کۆما ئاک پارتیێ رە دیار کربوو کو ژ بلی چهكدانانا سەمبۆلیک ل سەر ئەردێ چ پێشڤەچوونەک نوو یا گرینگ چێنەبوویە. سەدەما ھەری گرینگ یا ل پشت تێکچوونا پێڤاژۆیا دانینا چەکان، پێشکەتنێن ل ئیرانێ نە.
چاڤدێر دبێژن کو نەھەڤسەنگییا د ناڤبەرا داخویانیێن سیاسی و راستیا مەیدانی دە، وهکرییە کو مژارا چەکدانینێ ھێژ وەکی پرسگرێکەکە تژی ئاستەنگ بمینە. د دەمەکێ دە کو حکوومەتا ترکیەیێ چەکدانینا تەمامی كرییه مهرج، ئالیێ دن ژی زێدەتر بەحسا چارەسەرییا دەمۆکراتیک و سیاسی دکە، ئەڤ یەک بوویە سەدەم کو ھەتا نھا چ نەخشەرێیەکە پەسەندکری ژ بۆ ھەر دو ئالیان د ھۆلێ دە نەبە.
