پهكهكهیا هلوهشیایی هۆشداریێ ددهت: بێی بهشدارییا ئۆجالان، ئاشتی بجهـ ناهێت!
برێڤەبریا رێخستنا پهكهكهیا هلوهشیایی ئیرۆ دهربارێ یاسایا چارچۆڤەیێ ھشیاری دا و راگهاند؛ ئەگەر ستاتویا ئۆجالان د یاسایێ دە ل بەر چاڤان نەیێ گرتن، ئەڤ یەک دێ ل پێشیا بجھکرنێ ببە ئاستەنگ.
رێخستنا پهكهكێ ئیرۆ رۆژا پێنجشهمی 30 تیرمهها 2026ێ ل سەر یاسایا بنگەھین (قانوونا کۆکێ) و ناڤەرۆکا وێ داخویانیەک بەلاڤ کر.
ھات دیارکرن، ھەتا کو عهبدوللا ئۆجالان نەکەڤە دەورێ و ئەو ب خوە پێڤاژۆیێ ب رێ ڤە نەبە، بریارێن کو ھاتنە دایین و پێویستیێن قانوونان ب جھ نایێن.
پهكهكه ژ پهیڤێن تهرۆر و رێخستنا تهرۆرێ عاجزه!
د داخویانیێ دە ھات دەستنیشانکرن کو ئۆجالان د ھەڤدیتنا 20ێ تیرمەھێ دە داخوازیێن خوە ئانینە زمان.
ل گۆری داخویانیێ ئۆجالان گۆتیە دڤێ قانوونا کو تێ دەرخستن نە تەنگ بە و ل گۆری حەساسیەتێن ھەردو ئالیان بێ ئامادەکرن د داخویانیێ دە وھا ھات گۆتن:
«ئەڤ قانوون ژ بۆ بداویکرنا قوتبوونا سەدسالییا د ناڤبەرا گەلێ کورد و دەولەتا ترکیەیێ دە گاڤەکە گرینگە. لەوما گرینگە کو قانوون ئاشتیێ ژ خوە رە بکە ئارمانج».
پهكهكێ قالکرنا پەیڤێن وەکی “تەرۆر” و “رێخستنا تەرۆرێ” رەخنە کر و وھا گۆت:
«ئاشتی بەریا ھەر تشتی ژ زمان دەست پێ دکە. بکارئانینا ڤان تێگەھان ژ بۆ رێخستنەکە کو تێکۆشینا چەکداری یا ل دژی ترکیەیێ ب داوی کریە، پێڤاژۆیێ دخە ناڤا پرسگرێکان. ژ بۆ کو پێڤاژۆ ب پێش ڤە بچە، گەلەکی گرینگە کو زمان، پێناسە و ناڤەرۆک ل گۆری ئارمانجێ بن».
دڤێ ئۆجالان ببە مخەتابێ سەرەکە
پهكهكهیا هلوهشیایی ئانی زمان کو دڤێ گاڤێن ھەر دو ئالیان ماقوول و پێکان بن و گۆت:
«ئەگەر پێڤاژۆ نە ژ بۆ مژوولکرنێ بە و ژ بۆ چارەسەریێ بە، دڤێ نێزیکاتی ژی ل گۆری ڤێ یەکێ بە».
د داخویانیێ دە گۆتنێن سەرۆکێ مهههپێ دەڤلەت باھچەلی ژی ھاتن ببیرخستن و ھات گۆتن:
«دەڤلەت باھچەلی گۆتبوو کو دڤێ ئۆجالان ببە کۆردیناتۆرێ ئاشتی و سیاسیبوونێ. د نیقاشێن ل ئیمرالیێ دە ژی ئەڤ یەک ھاتبوو قەبوولکرن و رۆلا وی د بجھکرنا قانوونێ دە ھاتبوو دیارکرن. ئەگەر ستاتویا ئۆجالان د قانوونێ دە ل بەر چاڤان نەیێ گرتن، دێ ژ دەستپێکێ ڤە ل پێشیا پێکانینێ ببە ئاستەنگ. ژ بەر ڤێ یەکێ گرینگە کو ستاتویا ئۆجالان زەلال ببە کو ئەو مخەتاب و موزاکەرەڤانێ سەرەکەیە».
پێڤاژۆیا ئاشتیێ نابە تەنێ ب مژارا بێچەکبوونێ وەرە سینۆردارکرن
د داخویانیێ دە ھات ئەشکەرەکرن کو پێڤاژۆیا ئاشتیێ نابە کو تەنێ ب مژارا بێچەکبوونێ وەرە سینۆردارکرن.
ل گۆری داخویانیێ، ئەگەر ئەڤ قانوون وەکی قانوونا بنگەھین بێ دیتن، دڤێ پشت رە قانوونێن دەمۆکراتیکبوونێ یێن ژ بۆ چارەسەرکرنا پرسگرێکان وەرن دەرخستن و ئەڤ یەک دێ باوەریا ب پێڤاژۆیێ زێدە بکە.
برێڤەبریێ د داویا داخویانیا خوە دە تەکەز کر کو ئەو دێ نێزیکاتیا خوە یا بنگەھین پشتی دیتنا قانوونێ دیار بکن.
وان گۆت، «ئەگەر قانوون ئەرێنی بە، ئەم دێ زێدەتر تەشویق بکن و بەرپرسیاریا خوە ب جھ بینن».
