دهستێن قرێژ یێن پهكهكێ قڕكا زارۆكێن رۆژئاڤا بهرنادن: جوان و زیلان ژی رهڤاندن
چهتهیێن پهكهكێ یێن ب ناڤێ “جوانێن شۆرهشگهر” دو زارۆكێن دن یێن كورد ژ باژارێ كۆبانێ رهڤاندن و بۆ بنگههێن لهشكهركرنا ب زۆرێ ڤهگوههستن.
چاڤكانیێن داركا مازی یێن ل رۆژئاڤا كوردستانێ ئاشكهره كرن، چهتهیێن پهكهكێ كو ب “جوانێن شۆرهشگهر” تێن ناسكرن، ل 12 تیرمهها ئیسال 2026ێ دو زارۆكێن دن یێن كورد كو تهمهنێ وان 12 و 13 سالی نه، ژ باژارێ كۆبانێ رهڤاندن و بۆ بنگههێن لهشكهركرنا ب زۆرێ ئهو ڤهگوهستن.
زارۆكێن رهڤاندی ب ناڤێن “جوان حكمهت ئیبراهیم” كو تهمهنێ وی 12 سالن و “زیلان ئهحمهد رهشۆ” تهمهن 13 سال تێن ناسكرن.
“جوان حكمهت” ژ گوندێ دەگرمانێ یه و “زیلان” ژی ژ گوندێ یارەمەزەیێ یه، باڤێ وێ شهرڤانێ ههسهدێ یه و ل سنۆرێ باژارۆكێ دێرحافرێ د ئهركا خوه ده بوو.
پشتی بوویهرێن 6ی کانوونا دووێ يا 2026ێ و ڤەکێشانا هەسەدێ ژ باژارۆکی دێرحافرێ، چارهنووسا باڤێ “زیلانێ” نهدیاره و نایێ زانین ئهگهر د ژیانێ ده مابه یان ب دیل هاتییه گرتن.
تهڤی کو مالباتا “زیلانێ” قوربانی بۆ هەسەدێ و ڕۆژئاڤایێ کوردستانێ دانە، لێبەلێ تهڤگهرا “جوانێن شۆرهشگهر” ڕێز ل قوربانیدانا ڤێ مالباتێ نەگرتیە و کهچا وان ڕەڤاندیە.
“جوانێن شۆرهشگهر” رێخستنهكه جوانان یا گرێدای پهكهكێ یه، ب تهعلیماتێن راستهراست یا “جهمیل باییك” تهڤ دگهره و كارێ وێ چهكداركرنا زارۆكانه ژ بۆی پهكهكێ و باسكێن وێ یێن ل رۆژئاڤا كوردستانێ.
ژ داوییا سالا رابووری 2025ێ ڤه، ڤێ تهڤگهرێ ب دههان زارۆكێن كورد ژ كۆبانێ و گوندێن دهردوور رهڤاندنه و تهڤی بانگا مالباتێن وان، لێبهلێ هێژان ژی چارهنووسا پرانییا وان نهدیاره.
