ل چیایێ شەنگالێ ئیرۆ، دوشەمبێ (26ێ جۆتمەھا 2026ێ)، پرۆسێسا تەڤلیکرنا چەکدارێن یەکینەیێن بەرخوەدانا شەنگالێ (یەبەشێ) د ناڤ دەزگەھێن ئەولەھیێ یێن حکوومەتا فەدەرالا ئیراقێ دە ب مەراسیمەکا تایبەت دەست پێ دکە.
ل گۆر ئاگاهیان د چارچۆڤەیا لھەڤکرنا د ناڤبەرا حکوومەتا ئیراقێ و پەکەکێ دە، نێزیکی 4 ھەتا 5 ھەزار چەکدارێن یەبەشێ د ناڤ چەند قۆناغان دە دبن بەشەک ژ ھێزێن ئەولەھیێ یێن فەدەرال یێن ئیراقێ. ل گۆری میکانیزما رێکەفتنێ، ئەڤ ھێزە دێ ل سەر ناڤێ پاراستنا ھەرێمی ل شەنگالێ بسەکنن. تێ تەخمینکرن کو فەرماندارێن پایەبلندێن ئەولەھی و لەشکەری یێن ئیراقێ و یەبەشێ د مەراسیمێ دە ئامادە ببن.
ئەڤ گاڤ د چارچۆڤەیا سیاسەتا حکوومەتا عەلی زەیدی دەیە کو ئارمانج دکە ھەموو چەکان بخە بن کۆنترۆلا دەولەتێ. بەردەڤکێ یەبەشێ ھادی ئلیاس بەری ھەفتەیەکێ راگھاندبوو کو دانوستاندنێن وان لگەل بەغدایێ ژ مەھا سباتێ ڤە بەردەوام بوون. ئەڤ چەندە پشتی وێ یەکێ تێ کو حکوومەتا ئیراقێ پەکەکە قەدەغە کربوو و یەبەشێ خوەست کو ب رێیا تەڤلێبوونا فەرمی بەرخوەدان و پاشەرۆژا جڤاکا ئێزیدی د ناڤ سیستەما دەولەتێ دە مسۆگەر بکە.
