دادگەھا بلندا فەدەرالا ئیراقێ د روونشتنا خوەیا ئیرۆ، دوشەمێ (26ێ جۆتمەھا 2026ێ) دە، سکالایا پارلامەنتەرێ بەرێ عەلی حەمە سالح د دەربارێ نەدەستووریبوونا بەردەوامیا گەرا شەشێ یا پارلامەنتۆیا کوردستانێ دە ب تەمامی رەد کر.
سکالایا ب ھەژمارا “2100/ئیتیحادی/2026” کو روونشتنا وێ بەرێ ژ 20ێ ئیلۆنێ بۆ ئیرۆ ھاتبوو پاشخستن، سەرۆکێ ب تەمەنێ پارلامەنتۆیا کوردستانێ دکر ئارمانج. عەلی حەمە سالح داخواز کربوو کو دادگەھ بەردەوامیا خەباتێن پارلامەنتۆیێ نەدەستووری ب ناڤ بکە و ئالیێن پەیوەندیدار نەچار بکە کو بریارا بداویانینا ڤێ گەرێ دەربخن. لێ بەلێ، دادگەھا فەدەرال سکالایا وی یەکالی کر و تەکەز کر کو ھەبوونا پارلامەنتۆیێ دەستوورییە.
بریارێن دادگەھا بلندا فەدەرالا ئیراقێ یێن ل سەر قانوونیبوون و رەواتیا دەزگەھێن ھەرێما کوردستانێ باندۆرەکا راستەراست و گرینگ ل سەر سیستەما سیاسی و یاسایی یا ھەرێمێ دکن.
