ئارتەشا تركیێ ئیرۆ كوشتنا نه‌دیم كاراكۆلاك، فه‌رماندارێ هه‌ری دیار ئێ په‌كه‌كێ راگهاند، ده‌ما رۆكێته‌ك ئاراسته‌ی ئه‌ره‌به‌یا وی ل یه‌ك ژ ناڤچه‌یێن باشۆرێ كوردستانێ كری.
باله‌فرێن جه‌نگی ئێن تركیێ د چارچووڤه‌یا ئۆپه‌راسیۆنا په‌نج ده ل ناڤچه‌یا خواكوركی ئا باشۆرێ كوردستانێ، ئه‌ره‌به‌یا نه‌دیم كاراكۆلاك، فه‌رماندارێ دیار ئێ پارتا كاركه‌رێن كوردستانێ په‌كه‌كێ بۆردومان كر و هه‌ر راست كوشت.
ئاگاهیێن هه‌ری تازه ئێن ئارتەشا تركیێ ئه‌شكه‌رە دكن، كاراكۆلاك د كاته‌گۆری ئا سۆر ئا داخوازكرییان ده‌یه، هێزێن ئاسیمانی ئێن ئارته‌شا تركیێ، دوهـ رۆژا دوشه‌می ب هه‌ماهه‌نگییا ته‌شكیلاتا ئیستخباراتا نه‌ته‌وه‌ئی میتێ ل خواكوركی كوشتنه.
وه‌زاره‌تا به‌ره‌ڤانی ئا تركیێ، فۆتۆ و داتایێن نه‌دیم كاراكۆلاك به‌لاڤكرنه و خوه‌یایه كو فه‌رماندارێ به‌رته‌ره‌ف كری، یه‌ك ژ كه‌ڤنه دۆستێن ئه‌بدوللا ئۆجه‌لان، سه‌رۆكێ زیندانكری ئێ په‌كه‌كێ یه.
ئارتەشا تركیێ هه‌یامه‌كه ده‌ست ب ئۆپه‌راسیۆنا په‌نج ل دژی په‌كه‌كێ ل باشۆرێ كوردستانێ كرییه، د نها ده قۆناغا سێیه‌مین ئا وێ ئۆپه‌راسیۆنێ برێڤه‌دچه.
