بارزانی: تێكلیێن هه‌ولێر و به‌خدایێ پێشده چوونه
سه‌رۆك پارتا ده‌مۆكرات ئا كوردستانێ ئیرۆ هۆشداری ژ بهێزبوونا پێگه‌ها ته‌رۆرێ ل ئیراقێ دان و ئه‌شكه‌ره كر، سه‌ده‌مێن دیاربوونا ته‌رۆرێ چاره ژبۆ نه‌هاتنه دیتن.
ئه‌ڤ گۆتنێن مه‌سعوود بارزانی د جڤینا وی ئا ل گه‌ل ئۆلیڤیێ دیکۆتینی، سه‌ركونسولێ نوو ئێ فرەنسایێ ل هه‌ولێرێ هاتنه، ده‌ما ل پیرمامێ د جڤینه‌كێ ده، به‌هسا پێشهاتێن هه‌ری داوی ئێن هه‌رێمێ، ئیراقێ و ناڤچه‌یێ كرن.
سه‌ركونسلێ فره‌نسایێ كو ب مه‌به‌ستا نوو ده‌ستبكاربوونا خوه سه‌ردانا بارزانی دابوو، رێز و پێزانین سه‌رۆك ماكرۆن و ژان ئێف لۆدریانێ وەزیرێ كارێن ده‌رڤه ئێ فره‌نسایێ گهاندن بارزانی.
هه‌روه‌ها گۆت: فره‌نسا ب گه‌ل و هكوومه‌ت وێ پشته‌ڤانا هه‌رێما كوردستانێ به.
ژ ئالیێ خوه ڤه بارزانی سپاسیا پشته‌ڤانی ئا فره‌نسایێ كر و گۆتی: تێكلیێن وان چ سینۆره‌ك ژبۆ نینه.
سه‌رۆك بارزانی به‌هسا تێكلیێن هه‌ولێر و به‌خدایێ ژی ژبۆ سه‌ركونسولێ فره‌نسا كر و دا خوه‌یاكرن، پێشده‌چوونه‌كه باش هه‌یه، هه‌موه‌خت به‌هسا ترسا ته‌رۆرێ ژی كر كو ئێدی ترسا وێ مه‌زن دبه.
