مه‌سعوود بارزانی، ئیرۆ سالڤه‌گه‌را داستانا خواكوركی ل ته‌ڤ پێشمه‌رگه‌یێن كوردستانێ پیرۆز كر و گۆت: د وێ رۆژێ ده، پێشمه‌رگه‌ی هێڤێ د ناخا گه‌لێ كورد ده زیندی كر.
مه‌سعوود بارزانی ئیرۆ د په‌یامه‌كه نڤیسكی ده، ده‌رباسبوونا 31 سالان ل سه‌ر داستانا خواكوركی پیرۆز كر و گۆت: د وێ داستانێ ده، پێشمه‌رگێ كوردستانێ ب خوراگری و قوربانیدانێ، ژبۆ دوژمن و داگیركاران سه‌لماند كو ئیراده و قوربانیدان ژ هه‌ر چه‌كه‌كی دن بهێزتره و سه‌ركه‌تن وێ ژبۆ وان به كو دۆزه‌كا ره‌وا هه‌یه.
بارزانی د په‌یامێ ده دبێژه: د داستانا خواكوركی دة ته‌ڤی كو تو هه‌ڤسه‌نگییه‌ك ل ناڤبه‌را پێشمه‌رگه‌ی و دوژمن ده نه‌بوو ژ ئالیێ چه‌ك و ئارته‌شێ ڤه، لێ پێشمه‌رگه‌یان كارین هێڤیێ د ناخا گه‌لێ كورد ده زیندی بكن.
بارزانی هه‌روه‌ها دبێژه: د وێ هه‌لكه‌فتا پیرۆز ده، سلاڤ ژبۆ ئیراده‌یا پۆلایی ئا پێشمه‌رگه‌یان و سلاڤ ژبۆ شه‌هیدێن وێ داستانێ و هه‌موو شه‌هید و جانگۆریێن رێیا ئازادییا كوردستانێ.
